Łukašenka chvalicca, jak pabahacieli biełarusy za 30 hadoŭ. Ekanamist tłumačyć, što tut nie tak
Navat kali biełarusy žyvuć lepš, čym 30 hadoŭ tamu, heta nie samy važny pakaźnik, davodzić ekanamist Dźmitryj Kruk. Biełaruś stanovicca biadniejšaj u adnosinach da inšych krain.
Ekanamist Źmicier Kruk tłumačyć u efiry DW, što kali my paraŭnoŭvajem siabie z učorašnim dniom, to situacyja moža sapraŭdy vyhladać niakiepska. Ale bolš karektna paraŭnoŭvać pakupnickuju zdolnaść tych ža piensij ź inšymi krainami. Bo sučasny śviet raźvivajecca — 200 hadoŭ tamu piensij nie było naohuł, i možna skazać, što kłasna my žyviem, značna lepš, čym 200 hadoŭ tamu, havoryć ekanamist.
Pavodle Kruka, u hetym płanie viadučaja tendencyja, što Biełaruś stanovicca biadniejšaj u adnosinach da inšych krain.
«Ličby, jakija ja časta pryvodžu: u 2012 hodzie, na piku dachodaŭ, siaredni dachod biełarusa składaŭ dzieści 75% ad dachodu siaredniaha palaka ci litoŭca. Siońnia hetyja ličby — kala 52-53% — heta siarednija.
Što tyčycca piensijanieraŭ, to suadnosiny siaredniaj piensii da siaredniaj zarpłaty ŭ nas vahajecca dzieści kala 40%. Z 21-ha hoda, chaj nieradykalny, ale ruch uniz. Heta značyć, što my i jak kraina nie raźvivajemsia, i pakupnickaja zdolnaść našych piensijanieraŭ pa mierkach sučasnaha śvietu vielmi-vielmi nizkaja. Ale moža heta krychu lepš, čym było ŭčora», — kaža ekanamist.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary