Reakcyja Litvy na infarmacyju KDB Biełarusi ab pieraduchileńni napadu dronaŭ ź litoŭskaj terytoryi na Minsk śviedčyć ab tym, što ŭ Vilni «rylca ŭ puchu», ličyć ministr zamiežnych spraŭ Biełarusi Siarhiej Alejnik.
Kiraŭnik KDB Biełarusi Ivan Cierciel u krasaviku zajaviŭ, što siłavyja struktury respubliki nibyta zdoleli pieraduchilić udary bajavych dronaŭ pa Minsku i jaho pryharadach z terytoryi Litvy.
U Litvie nazvali heta tryźnieńniem. MZS Litvy vykazała pratest časovamu pavieranamu ŭ spravach Biełarusi i zajaviła, što abvinavačańni «nie majuć ničoha ahulnaha z realnaściu», zapatrabavała, kab «MZS Biełarusi nieadkładna abvierh hetuju dezynfarmacyju».
«Nam zdajecca, što takaja emacyjnaja reakcyja MZS Litvy hruntujecca na tym, što rylca ich u puchu, i ab hetym śviedčać fakty padrychtoŭki i finansavańnia kalavajennych, vajenizavanych farmiravańniaŭ na terytoryi Litvy», — skazaŭ Alejnik u intervju RIA Novosti.
Jon skazaŭ, što «staršynia KDB havaryŭ ab tym, što ŭdałosia pieraduchilić naniasieńnie ŭdaraŭ dronami z terytoryi Litvy, a nie ab tym, što Litva źbirajecca atakavać Respubliku Biełaruś dronami».
Alejnik zajaviŭ, što Litva finansuje padrychtoŭku kalavajskovych farmavańniaŭ dla źviaržeńnia ŭłady ŭ Biełarusi.
«Infarmacyja, jakoj my vałodajem, jakuju my daviali ŭ tym liku pa dypłamatyčnych kanałach, śviedčyć ab tym, što litoŭskija ŭłady nie prosta paturajuć, jany faktyčna padtrymlivajuć i finansujuć padrychtoŭku kalavajskovych farmavańniaŭ, jakija staviać za metu źviaržeńnie zakonnaj ułady na terytoryi Respubliki Biełaruś i vykarystańnie terarystyčnych, ekstremisckich vidaŭ dziejnaści ŭ adnosinach da našaj krainy», — skazaŭ Alejnik.
SBU patłumačyła łukašystam, dzie hieroi, a dzie terarysty
U Kijevie pačali evakuacyju dźviuch balnic z-za vykazvańnia Cierciela
U Rasii prakamientavali zajavu KDB nakont litoŭskaj ataki bajavymi dronami pa Minsku
«Heta tryźnieńnie». U Litvie prakamientavali zajavu Cierciela pra imaviernyja ŭdary litoŭskich bieśpiłotnikaŭ pa Minsku
Cierciel zajaviŭ, što KDB praduchiliŭ udary litoŭskich bieśpiłotnikaŭ pa Minsku
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary