Palitviaźniami pryznali 11 čałaviek, u tym liku Fiodara Šviedava i nastaŭnicu 23-j himnazii Darju Chmialnickuju
Jašče 11 čałaviek pryznanyja palityčnymi viaźniami.
Taki status atrymali Alaksandr Vierasovič, Viktar Sačkoŭski, Alaksandr Ciareščanka, Jaŭhien Filipovič, Siarhiej Šeleh, Kanstancin Šastoŭ, Siarhiej Zabielič, Artur Rolič, Vital Čopik, nastaŭnica 23-j himnazii Darja Chmialnickaja, hulec u «Što? Dzie? Kali) Fiodar Šviedaŭ.
Chto hetyja ludzi i čamu pravaabaroncy ličać ich spravy palityčna matyvavanymi
Pravaabaroncy patrabujuć ad uładaŭ Biełarusi nieadkładna vyzvalić usich palitviaźniaŭ i spynić represii suprać hramadzian krainy.
Zaraz pravaabaroncami «Viasny» ličacca palitviaźniami 1395 čałaviek, prajekt Dissidentby.com ličać palitviaźniami 1566 čałaviek.
Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Kamientary