Saakašvili: Ja ŭpeŭnieny, što Makieja zabiła Maskva i heta było apošnim papiaredžańniem Łukašenku
Eks-prezident Hruzii daŭ intervju «Lusterku». Praŭda, adkazy byli pieradadzienyja ŭ piśmovaj formie praz advakata ź niemahčymaściu ŭdakładnić niekatoryja pytańni. Jon raskazaŭ u intervju i pra svaje kantakty z Alaksandram Łukašenkam i pamierłym u listapadzie 2023 hoda ministram zamiežnych spraŭ Uładzimiram Makiejem. Zaraz Michaił Saakašvili znachodzicca pad nahladam palicyi ŭ balnicy, kudy jaho pieraviali z turmy.
Saakašvili, jaki byŭ prezidentam Hruzii ŭ 2003—2013 hadach, raskazaŭ, što dva razy lotaŭ u Minsk praz Łondan, kab sustrecca z Łukašenkam.
«Pasiarednikam sustreč vystupaŭ Barys Bierazoŭski [rasijski aliharch i palityk, jaki pamior u 2013 hodzie — NN], jaki da taho času asieŭ u Minsku. Treci raz, užo paśla prajhranych parłamienckich vybaraŭ, ja palacieŭ naŭprost z Tbilisi ŭ Minsk. Heta ŭsio adbyvałasia ŭ 2010 i 2013 hadach. My havaryli pra šmat rečaŭ. Dakładniej, jon kazaŭ, a ja słuchaŭ.
Akramia hetaha, kali ja byŭ kiraŭnikom Adeskaj vobłaści [u 2015-2016 hadach], da mianie razam ź ministram zamiežnych spraŭ Litvy Linasam Linkiavičusam pryjazdžaŭ Uładzimir Makiej, tady biełaruski ministr pavodziŭ siabie jak zachodni jastrab», — zhadaŭ Saakašvili.
«Ja ŭpeŭnieny, što Makieja zabiła Maskva i heta było apošnim papiaredžańniem Łukašenku. Ja mahu paćvierdzić, što padčas majho prezidenctva ja asabista i naš ministr zamiežnych spraŭ šmat pracavali z Makiejem, jaki, viadoma ž, pry padtrymcy Łukašenki sprabavaŭ naładzić suviazi z Zachadam, što ŭžo tady vyklikała krajniuju niepryjaznaść Maskvy, tam ličyli Makieja zdradnikam i pierabiežčykam», — kaža eks-prezident Hruzii.
«Ja b nie chacieŭ, kab Biełaruś pryznała našy akupavanyja terytoryi, i ja hetaha damohsia. Niekalki razoŭ ja damohsia vyzvaleńnia palitviaźniaŭ [pra kaho kankretna idzie havorka, nie viadoma — «Lusterka»], asabliva pierad ustupleńniem Biełarusi va Uschodniaje partniorstva (heta adbyłosia ŭ 2009 hodzie). Ja paćviardžaju, što šmat razoŭ abmiarkoŭvaŭ z zachodnimi lidarami mahčymaści vyrvać Biełaruś z kipciuroŭ Rasii», — kaža Saakašvili.
«Kali ja ŭ pieršy raz patelefanavaŭ Bajdenu [kali toj byŭ vice-prezidentam] nakont Biełarusi, jon kateharyčna admoviŭsia pačać kantakty z Łukašenkam, i krychu paźniej, užo ŭ ranhu byłoha prezidenta, ja byŭ na inaŭhuracyi Parašenki [letam 2014 hoda] i padvioŭ Łukašenku za ruku da Bajdena [tady palityk byŭ vice-prezidentam ZŠA], i jany vielmi ciopła pahutaryli. Tam ža byŭ moj blizki siabar Džon Makkiejn [sienatar ZŠA], jaki vielmi razzłavaŭsia i na mianie, i na Bajdena za hety epizod», — raskazaŭ Saakašvili.
«Ja mieŭ adnosna jaho iluzii». Były ministr zamiežnych spraŭ Litvy zhadvaje pra Uładzimira Makieja i pierapisku ź im u 2020-m
Viera Palakova-Makiej: Muž vychoŭvaŭ mianie ŭ spartanskich umovach
«Kali ja papiaredžvaŭ Zachad pra Pucina, mianie ihnaravali jak nieŭraŭnavažanaha psicha» — Saakašvili napisaŭ list u The Times
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha33
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu132132
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu132
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary