Kamanda KVZ zapisała prabačeńni na kamieru z-za žartu pra kiraŭnika Baškartastana i masavyja pratesty ŭ Bajmaku
Kamandu «Barybier» dyskvalifikavali z «Baškirskaj adkrytaj lihi KVZ» paśla vystupu na fiestyvali KVZ, jaki adbyŭsia 10 sakavika va Ufie.
Arhanizatary zajavili, što rašeńnie pryniataje «ŭ suviazi z hrubym parušeńniem rehłamientu hulniaŭ… i nievykanańniem ahulnapryniatych maralnych i etyčnych normaŭ». U realnaści sankcyi na kvzšnikaŭ nakłali za žart pra kiraŭnika rehijonu, pišuć «Ostorožno, novosti»
«Barybier» pažartavali pra suvienirny šakaład «Ataj», na ŭpakoŭcy jakoha fota kiraŭnika Baškartastana Radyja Chabirava.
«Premjera šakaładu Ataj. Zroblena ŭ Armienii (adsyłka da nacyjanalnaści žonki Chabirava). Termin prydatnaści da 2024 hoda. Skład — 50% kakavy, nul pracentaŭ baškirskaj movy (u hety momant hołas za kadram pramaŭlaje: a śmiajacca možna, chłopcy?), sam jon sałodki», — kazaŭ udzielnik kamandy sa sceny.
«Nul adsotkaŭ baškirskaj movy» — namiok na baraćbu Chabirava z nacyjanalnymi aktyvistami ŭ rehijonie.
Paśla hetaha ŭdzielniki kamandy razyhrali dyjałoh, padčas jakoha zhadali masavyja pratesty z-za prysudu Failu Ałsynavu: «Sa smakam kańjaku ci što? — Tak. Ale jość smak Bajmaka — Smačna! Chajpavy smak!»
Učora źjaviłasia videa z vybačeńniami kamandy, jaho apublikavaŭ deputat i dyrektar himnazii, u jakoj vučylisia ŭdzielniki kamandy.
«Z udzielnikami kamandy my praviali vychavaŭčuju hutarku ab etycy publičnych vystupaŭ, zachavańni kodeksa himnazista. Rabiaty ŭśviadomili, što ŭ svaim vystupie vyjšli za ramki etyčnych normaŭ i praviłaŭ, nadalej abaviazvajucca bolš uvažliva stavicca da padboru materyjału dla svaich vystupaŭ», — paviedamiŭ jon. Na videa ŭdzielniki zajavili, što «niedzie pierahinajuć pałku» i paviedamili, što «nie chacieli pierachodzić na asoby».
Baškirskaha aktyvista prysudzili da čatyroch hadoŭ kałonii. Jaho znoŭ pryjšli padtrymać tysiačy čałaviek, ich razahnali
U čym sapraŭdnaja pryčyna maštabnaha pratestu ŭ Baškartastanie
«Prapahanda havoryć: «My — ruskija». A my nie ruskija». Baškirskija aktyvisty zaklikali da pratestaŭ i ŭ inšych nacyjanalnych respublikach
Da baškirskaha śpievaka, jaki zaklikaŭ žycharoŭ nacyjanalnych respublik Rasii vyjści na pratesty, pryjšli siłaviki
«Tak, ja ŭciok. Inakš — turma, 15 hadoŭ». Baškirski śpiavak Ałtynaj Valitaŭ źjechaŭ z Rasii
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała27
Kamientary