«Pacuki, sa svajoj krainaj vy ci zdradniki?» Hładkaja nakinułasia na «Anłajnier»
Prapahandystka Ludmiła Hładkaja napisała kałonku z zaklikam pryhledziecca da internet-partała.
«Vy ŭžo vyznačyciesia niejak: zastajaciesia vy abo sychodzicie? Kali što, dźviery — tam. Na dvuch kresłach užo nie atrymajecca. Rana ci pozna adno ź ich chiśniecca i abryniecca. Tak vy ŭžo lepš ciapier, pakul nie pavaliłasia, vyrašycie: sa svajoj krainaj vy ci zdradniki», — piša ŭ kałoncy na «SB» prapahandystka.
Jana pryhadvaje partału «Anłajnier» 2020-ty i «niapravilnych» hierojaŭ materyjałaŭ.
«Słuchajcie, moža, para ŭžo pryhledziecca da takich? Pryhledziecca pilniej da dubloraŭ ekstremisckich resursaŭ. Adny i tyja ž teksty, adny i tyja ž fota. Taja ž redakcyjnaja palityka?» — nakručvaje siabie i čytačoŭ Hładkaja.
Jana razvažaje, što druhi šaniec u Biełarusi, kaniečnie, dajuć, ale «ci nie vyčarpany limit papiaredžańniaŭ». I naohuł, kab nie było ŭ krainie dabrabytu, to nie źjaŭlalisia b nijakija partały.
«Dziaržavy rujnujuć znutry. Voś takija pacuki i rujnujuć. Śpiarša niahučna i nienadakučliva, nu a potym. A potym vy i sami viedajecie. Takija pacuki i jość elemient zapuščanaj suprać nas Zachadam machiny dla hulni ŭdoŭhuju. Jak pa mnie, jany, pacuki, daŭno vyznačylisia z kim jany i suprać kaho», — bačyć prapahandystka teoryju zmovy.
I pahražaje, što, navat kali žurnalisty i čyściać sacsietki, u łukašystaŭ «usie chady zapisanyja».
Ciapier čytajuć
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY1
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Nu i ŭsio viarški paśla zakryćcia hałoŭnaha kankurenta, tutbaja, zastalisia anłajnieru.
U astatnim -- vydatny i jakasny resurs, ale kali zakryjuć -- nie škada zusim. Karma kałabaracyjanistaŭ -- svaje ž sažruć.