Hramadstva88

«Nichto z datyčnych nie znachodzicca ŭ Biełarusi». U «Biełpole» raskazali pra tranślacyju vystupu Cichanoŭskaj na manitorach

U subotu, 24 lutaha, na ekranach handlovych centraŭ, mahazinaŭ i hramadskaha transpartu zjaviŭsia videazvarot Śviatłany Cichanoŭskaj da biełarusaŭ. Adkaznaść za praviadzieńnie akcyi ŭziała na siabie abjadnańnie byłych siłavikoŭ «Biełpoł». Na nastupny dzień stała viadoma ab zatrymańni čatyroch supracoŭnikaŭ kampanii «Lehijon-104», hetaja firma zajmajecca tranślacyjaj medyjakantentu i rekłamy na interaktyŭnych ekranach i absłuhoŭvaje ich. Ci majuć zatrymanyja adnosiny da akcyi, «Lusterka» spytała ŭ pradstaŭnika «Biełpoła» Uładzimira Žyhara.

— Zatrymanyja supracoŭniki kampanii «Lehijon-104» da ŭzłomu ekranaŭ nijakaha dačynieńnia nie majuć. Nichto z datyčnych da praviadzieńnia akcyi nie znachodzicca ŭ Biełarusi. Što ŭłasna i paćviardžajecca, bo ludziej zatrymali nibyta prosta za pratesty — zajaviŭ Uładzimir Žyhar. 

Jon ličyć, što supracoŭnikaŭ «Lehijona-104» zatrymali dla taho, kab siłaviki «mahli dać spravazdaču» pierad svaim kiraŭnictvam ab paśpiachovym raskryćci spravy. 

— Siłavyja orhany bajacca pakarańnia, — kaža pradstaŭnik abjadnańnia. — Z-za strachu pierad svaim načalstvam jany sistematyčna «ŭparvajuć» jamu dezynfarmacyju ab złoŭlenych «ekstremistach», tolki kab abaranić siabie. 

Pry hetym padrabiaznaści arhanizacyi akcyi ŭ «Biełpole» nie vydajuć. Pavodle słoŭ Uładzimira Žyhara, zvarot Śviatłany Cichanoŭskaj 24 lutaha byŭ pakazany bolš jak na 2000 rekłamnych ekranaŭ u mahazinach pa ŭsioj Biełarusi i staličnym mietro. 

U siarednim pakaz praciahvaŭsia kala dźviuch hadzin, da momantu, pakul administrataram nie ŭdałosia vyklučyć tranślacyju. 

Pradstaŭnik «Biełpoła» kaža, što akcyja 24 lutaha prajšła paśpiachova, niahledziačy na ​​zatrymańni niedatyčnych ludziej: 

— Kožny hramadzianin Biełarusi ŭbačyŭ našy nacyjanalnyja simvały i Śviatłanu Cichanoŭskuju. Heta natchniła ludziej. Navat praz 3,5 hady paśla vybaraŭ baraćba za svabodu Biełarusi praciahvajecca.

Kamientary8

  • Ktułchu
    26.02.2024
    Nu da, mołodcy! Posadili nievinovnych, zato pokazali simvoły. Sovieršienno biezsmyślennoje diejstvo, kak v kompot napisať. A ludiej pytajut, vybivajut priznanije.
    Čiem ot łukašistov otličajetieś, a? Čto tam miarzoćcie, što tam.
    • .
      26.02.2024
      Ktułchu, každyj dień sadiat nievinovnych čto jesť akcija čto jejo niet
  • antiśviet
    26.02.2024
    kohda oni, nachodiaś v biezopasnosti, pieriestanut podstavlať ludiej v Biełarusi?

Ciapier čytajuć

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych5

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Usie naviny →
Usie naviny

Pradstaŭnik Rasii ŭ AAN: Rasija nie spynić ahoń, pakul Zachad padtrymlivaje Kijeŭ6

Amal $50 000 za hołyja ścieny ŭ Šabanach. Tak vyhladaje samaja tannaja kvatera Minska2

U DTZ u Ivacevickim rajonie zahinuli dva čałavieki

Hałoŭčanka patłumačyŭ situacyju z dalarami ŭ Biełarusi4

Navukoŭcy zrazumieli, čamu našy viaskovyja babuli žyli daŭžej9

Minčuk chacieŭ pravučyć «chama» ŭ tramvai, ale čamuści ŭdaryŭ kalenam u nos školnicu2

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam45

U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?4

U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč11

bolš čytanych navin
bolš łajkanych navin

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych5

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Hałoŭnaje
Usie naviny →

Zaŭvaha:

 

 

 

 

Zakryć Paviedamić