Pamior były načalnik kałonii «Vićba» Alaksiej Staravojtaŭ. Jamu było 47 hadoŭ
Kałonijaj jon kiravaŭ kala piaci hadoŭ, da leta 2023 hoda.
Viciebskaja papraŭčaja kałonija №3 da žniŭnia 2020 hoda ličyłasia adnoj z najlepšych u Biełarusi, tam adbyvali termin asudžanyja byłyja čynoŭniki, biznesoŭcy, sudździ i rabotniki milicyi. Viadoma, što kabiniet načalnika kałonii znachodziŭsia na KPP-1, adkul jon pilna sačyŭ za tym, što adbyvajecca ŭ kałonii, piša Mayday.com.
Ale sa źjaŭleńniem palityčnych viaźniaŭ u PK-3 situacyja źmianiłasia. Ich časta stali adpraŭlać u štrafny izalatar pa nadumanych pryčynach, a na asudžanych, jakija kantaktujuć z palityčnymi, akazvaŭsia presinh.
Viadoma, što Alaksiej Staravojtaŭ prymušaŭ «palityčnych» pisać prašeńnie ab pamiłavańni na imia Łukašenki «pad harantyi» Juryja Vaskrasienskaha.
U PK-3 Alaksiej Staravojtaŭ prapracavaŭ praktyčna ŭsio svajo žyćcio. U 1998 hodzie jon pryjšoŭ pracavać u PK-3 na pasadu kantralora.
U mai 2023 hoda ŭ PK-3 pamior asudžany na hod kałonii voli za karykaturu na Łukašenku palitviazień Mikałaj Klimovič, jaki mieŭ druhuju hrupu invalidnaści pa zachvorvańni serca. Adnak viadoma, što nastupnaje zvalnieńnie Alaksieja Staravojtava było nijak nie źviazana ź incydentam.
Ciapier čytajuć
Što viadoma pra biełarusa, jaki zahinuŭ la Elbrusa6
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary