U rajonie Azoŭskaha mora źbili jašče adzin rasijski samalot A-50
Pra heta paviedamlajuć rasijskija vajenkary, a taksama paćviardžaje Hałoŭnaje ŭpraŭleńnie raźviedki Ukrainy.
A-50 — heta zvyškaštoŭny rasijski samalot-raźviedčyk, jakich u rasijan ličanyja adzinki.
Pavodle papiarednich źviestak, pry hetym mahli zahinuć ad 12 da 17 čałaviek. Adnosna ž taho, z čaho byŭ zrobleny ŭdar pa samalocie, siarod rasijskich vajenkaraŭ chodziać čutki, što «stralali ź niejkaj nieviadomaj zbroi. Nie Patriot, a niešta bolš surjoznaje».
Hałoŭnaje ŭpraŭleńnie raźviedki Ukrainy paćvierdziła fakt źbićcia samalota i raskazała niekatoryja detali źbićcia. Pavodle źviestak HUR, u vyniku hetaj śpiecapieracyi ŭdałosia źbić novuju, madernizavanuju viersiju hetaha samalota — A-50U.
Źbićcio samalota było sumiesnaj apieracyjaj HUR i Pavietranych sił VSU. Rezkaje padzieńnie jaho chutkaści i vyšyni zafiksavali kala horada Jejska u Krasnadarskim krai.
U apieratyŭnym štabie Krasnadarskaha kraju Rasii paćvierdzili padzieńnie «adnaho latalnaha aparata». Ale nijakich detalaŭ pakul nie pryvodziać. Minabarony Rasii stratu samalota pakul nie kamientavała.
Samalot A-50 — pavietrany kamandny punkt, jaki rasiejcy vykarystoŭvali dla dalokaha radyjołakacyjnaha vyjaŭleńnia, kiravańnia i naviadzieńnia dla ŭdaraŭ pa Ukrainie rakietami sa stratehičnaj avijacyi.
Jahony košt — 350 miljonaŭ dalaraŭ. Takich samalotaŭ u RF usiaho niekalki štuk.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary