«Usio, bł*, dakatalisia»: mašynu źniesła vietram z trasy M1. VIDEA
Na trasie M1 źlacieła ŭ kiuviet mašyna — niekalki razoŭ jana pieraviarnułasia ŭ pavietry. Videa ź miesca zdareńnia vykłała ŭ tyktok błohierka antoninka1118.
«Isteryka paśla avaryi. Pieršyja chviliny», — padpisała rolik žančyna.
— Dajeździlisia. Hałoŭnaje žyvy, — raskazvaje kiroŭca, a na zadnim fonie čuvać niervovy śmiech. — Zaniesła. My pieraviarnulisia dva, moža, try razy. Nas tak prakaciła.
— Usio, bł*, dakatalisia, — dadała błohierka. — Ściahnuła z trasy vietram.
Na ščaście, kiroŭca i pasažyrka nie paciarpieli. Błohierka adznačyła, što ŭ jaje navat drapin niama — tolki nievialiki ŭdar.
Za 15 chvilin da avaryi žančyna paśpieła zapisać videa, jak žudasna vyhladała trasa ŭ toj dzień (śćviardžaje, što zdymała, kab papiaredzić inšych pra niebiaśpieku): šmat śniehu dy drennaja bačnaść.
Kiroŭca taksama vykłaŭ svajo videa:
— Byŭ vielmi mocny bakavy viecier, ja jechaŭ 80, niachutka, ale nie zmoh vyrulić. Mašynu prosta tupa źniesła ŭ kiuviet.
Mašyna jechała ŭ Minsk, zdareńnie adbyłosia niedzie kala Krupak. Paśla kala čatyroch hadzin kiroŭca i pasažyrka čakali evakuatar, kab viarnucca ŭ rodny Viciebsk. Za pasłuhi evakuatara pryjšłosia zapłacić kala 800 rubloŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary