Doktara i «Čałavieka hoda Viciebščyny» paŭtorna aryštavali na 15 sutak
Pieršy raz Alaksandru Hančarovu pryznačyli 15 sutak aryštu pavodle art. 19.11 KaAP (raspaŭsiud ekstremisckich materyjałaŭ) u siaredzinie kastryčnika.
Sudździa Kastryčnickaha rajona Viciebska Uładzimir Carykaŭ 2 listapada za raspaŭsiud «ekstremisckich» publikacyj u sacyjalnaj sietcy paŭtorna aryštavaŭ na 15 sutak «Čałavieka hoda Viciebščyny — 2014» — zahadčyka adździaleńnia aniestezijałohii i reanimacyi abłasnoj balnicy Alaksandra Hančarova.
Pieršy raz Alaksandru pryznačyli 15 sutak aryštu pavodle art. 19.11 KaAP (raspaŭsiud ekstremisckich materyjałaŭ) u siaredzinie kastryčnika.
Pry paŭtornaj praviercy rabotnikami milicyi hadžetaŭ Hančarova imi byŭ składzieny jašče adny pratakoł pa administracyjnym pravaparušeńni. Na padstavie jaho sudździa Carykaŭ pastanaviŭ pakarać doktara aryštam jašče na 15 sutak, piša «Viciebskaja Viasna».
Alaksandr Valerjevič maje staž pracy bolšy za 25 hadoŭ, byŭ uhanaravany zvańniem «Čałaviek hoda Viciebščyny», a ŭ 2020-ym hodzie atrymaŭ padziaku ad Łukašenki za ŭniosak u baraćbie z COVID-19.
Što Babaryka i Kaleśnikava adkazali na pytańni pra vajnu37
Kamientary