Architektary pakazali śviežyja rendary dyzajnu interjeraŭ staličnaha kinateatra, jaki musić adkrycca paśla rekanstrukcyi ŭ najbližejšyja miesiacy.
Rendary interjeraŭ abnoŭlenaha pomnika architektury byli pradstaŭleny na XXI Respublikanskim konkursie na najlepšy prajekt, pabudovu i publikacyju ŭ halinie architektury. Aŭtarski kalektyŭ instytuta «Minskhramadzianprajekt», u jaki ŭvachodzili architektary Łakotka, Łyhina, Hierasimčuk, Halickaja, Sokał, a navukovaje kiraŭnictva ažyćciaŭlaŭ architektar Zabieła z Navukova-prajektnaha centra «Restabilis», za hety prajekt atrymaŭ dypłom druhoj stupieni ŭ naminacyi «Interjery hramadskich budynkaŭ i zbudavańniaŭ».
Źviartaje ŭvahu ŭ interjerach spałučeńnie sučasnych tendencyj u dyzajnie, jak to hłybokija kolery, minimalistyčny dyzajn mebli i abstalavańnia, z zachavańniem bahataj histaryčnaj azdoby ŭ chole i vyraznaj kiesonnaj stoli ŭ bakavych kułuarach. Hladzielnaja zała stała bolš adnarodnaj, kolkaść miescaŭ, miarkujučy pa rendarach, značna pavialičylisia, a bahataja «lidskaja» lustra sastupiła miesca bolš strymanamu savieckamu varyjantu.
Ale navat nacyjanalnaja ŭznaharoda, atrymanaja prajektam, zusim nie aznačaje, što bačańnie prajekciroŭščykaŭ budzie realizavanaje — za apošnija hady rašeńni pa kinateatry ŭžo karennym čynam źmianialisia.
U pačatku 2022 hoda dyrektar «Minskaj spadčyny» Alaksandr Kochan paviedamlaŭ, što prajekt rekanstrukcyi praduhledžvaje stvareńnie trochzalnaha kinateatra. Da asnoŭnaj zały na 108 miescaŭ musili na roznych uzroŭniach dadacca jašče dźvie nievialikija — na 48 i 10 miescaŭ. Na isnujučych płoščach taksama płanavałasia adkryć dźvie kaviarni — tematyčnuju i ahulnaha typu, kafeteryj z kinabaram, kanfierenc-zału i šmatfunkcyjanalnuju aŭdytoryju.
Ale paśla syšoŭ arandatar, miesca jakoha zaniaŭ «Kinavideaprakat». U červieni 2023 hoda stała viadoma, što pierahledzieli i płaniroŭku, admoviŭšysia ad kafe i restarana, zamiest jakich musili źjavicca dadatkovyja kinazały. Ciapier piać załaŭ multypleksa zmohuć pryniać 284 naviedvalnikaŭ adnačasova.
Rekanstrukcyju kinateatra abiacajuć zavieršyć da kanca hoda, a dla naviedvalnikaŭ, jak u vieraśni paviedamiŭ žurnalistam staršynia Minharvykankama Uładzimir Kucharaŭ, jon adkryjecca ŭžo ŭ pieršaj pałovie 2024 hoda.
«Naša Niva» — bastyjon biełaruščyny
PADTRYMAĆČytajcie taksama:
Architektary pakazali, jak budzie vyhladać most na bulvary Šaŭčenki ŭ Breście paśla rekanstrukcyi
Nazvanyja najlepšyja architekturnyja pracy Biełarusi apošnich hadoŭ ŠMAT FOTA
Aktyvisty bjuć tryvohu: rekanstrukcyja kinateatra «Maskva» niezakonnaja
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu4
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8585
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie85
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary