Jeŭrasajuz zabaraniŭ rasijanam ujazdžać u ES z asabistymi smartfonami i aŭtamabilami
Ujezd u krainy Jeŭrasajuza na zarehistravanych u Rasii aŭtamabilach zabaronieny, piša RBK sa spasyłkaju na Jeŭrakamisiju. Pad ryzykaj znachodziacca i takija asabistyja rečy rasiejcaŭ, jakija pierasiakajuć miažu, jak smartfony, kaštoŭnaści i noŭtbuki.
«Usio adno, ci vykarystoŭvajecca transpartny srodak u pryvatnych abo kamiercyjnych metach, kali jon padpadaje pad mytnyja kody, pieraličanyja ŭ dadatku XXI (u tym liku kod 8703), i adbyvajecca abo vyvozicca z Rasii», — havorycca ŭ novych tłumačeńniach Jeŭrakamisii. Mytny kod 8703 achoplivaje lehkavyja aŭtamabili i inšyja transpartnyja srodki, pryznačanyja dla pieravozki mienš jak dziesiaci čałaviek.
Minułym letam niekatoryja rasiejcy, jakija pryjazdžali ŭ Niamieččynu na svaich aŭtamabilach, sutyknulisia z aryštami mašyn na mytni. U pačatku lipienia mytnia FRH paćvierdziła, što ŭvoz pasažyrskich aŭtamabilaŭ z Rasii zabaronieny ŭ adpaviednaści z embarha ŭ dačynieńni da Rasii, i što pad heta padpadaje luboje pieramiaščeńnie tavaraŭ, navat u asabistych, niekamiercyjnych metach.
Nie maje značeńnia termin, na jaki ŭvozicca aŭtamabil z rasijskimi numarami i mytnaja pracedura, jakaja vykarystoŭvajecca dla hetaha (naprykład, vypusk u svabodnaje abaračeńnie abo časovy ŭvoz), padkreślivaje Jeŭrakamisija.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary