Kolki hrošaj vydatkoŭvajuć na ježu ŭ Biełarusi i inšych krainach. Źjaviŭsia rejtynh
Analityki Ricodi.com padličyli, kolki hrošaj traciać na ježu žychary roznych krain śvietu, piša myfin.by.
Daśledavańnie pakazała, što ŭ zaležnaści ad krainy vydatki na pradukty charčavańnia składajuć ad niekalkich pracentaŭ da bolš za pałovu ŭsich spažyvieckich vydatkaŭ.
Da dziaržaŭ, u jakich na ježu i biezałkaholnyja napoi, što spažyvajucca doma, u siarednim prypadaje mienš za 1/10 usich vydatkaŭ, adnosiacca: ZŠA — 6,7%, Sinhapur — 8,4%, Vialikabrytanija — 8,7%, Irłandyja — 9,2%, Šviejcaryja — 9,9%.
Biełaruś u hetym rejtynhu znachodzicca na 77-m miescy siarod 105 krain: na pradukty charčavańnia i biezałkaholnyja napoi prypadaje 32,1 pracenta ad vydatkaŭ na spažyvieckija tavary i pasłuhi.
Padobnyja vyniki ŭ Handurasa (31,9%), Indyi (32,1%) i Hruzii (32,3%).
Pakazčyk Polščy — 17,2%, Łatvii — 19,3%, Litvy — 21%, Rasii — 29%, Ukrainy — 41,6%.
Siarod krain u rejtynhu samy vysoki pracent vydatkaŭ na pradukty charčavańnia ŭ Nihieryi (59%), Mjanmie (56,6%) i Kienii (56,1%).
Kolki hrošaj traciać na ježu ŭ krainach Jeŭropy
Siarod jeŭrapiejskich krain samyja vysokija vydatki na pradukty charčavańnia nazirajucca ŭ Šviejcaryi ($359 za miesiac), Narviehii ($341) i Danii ($311), što možna rastłumačyć vysokimi cenami ŭ hetych krainach.
Samyja nizkija vydatki na pradukty charčavańnia adznačanyja ŭ Azierbajdžanie ($102), Biełarusi ($98) i Małdovie ($97).
Kali kazać pra susiedziaŭ Biełarusi , to vydatki na pradukty charčavańnia ŭ Litvie składajuć $241, u Łatvii — $181, u Rasii — $146, u Polščy — $142, va Ukrainie — $108.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary