Reźnikaŭ ab rasijskich minnych palach va Ukrainie: Da piaci min na kvadratny mietr
Ministr abarony Ukrainy Alaksiej Reźnikaŭ zajaviŭ, što padčas kontrnastupleńnia ŭkrainskija vajskoŭcy časam sustrakajuć da 5 rasijskich min na kvadratny mietr terytoryi, piša «UP».
«Siońnia Ukraina źjaŭlajecca najbolš zaminiravanaj krainaj u śviecie. Sotni kiłamietraŭ minnych paloŭ, miljony vybuchovych pryład, na niekatorych učastkach frontu da piaci min na kvadratny mietr.
Rasijskija minnyja pali źjaŭlajucca surjoznaj pieraškodaj dla našych vojskaŭ, ale nie niepieraadolnaj. U nas jość kvalifikavanyja sapiory i sučasnaje abstalavańnie, ale hetaha vielmi niedastatkova dla frontu, jaki praciahnuŭsia na sotni kiłamietraŭ na ŭschodzie i poŭdni Ukrainy», — skazaŭ Reźnikaŭ u kamientary The Guardian.
Pa słovach ministra, vializnyja minnyja pali možna pieraadoleć, ale krytyčna važna, kab sajuźniki «pašyryli i paskoryli» padrychtoŭku sapioraŭ, jakuju ŭžo pravodziać niekatoryja krainy, u tym liku Vialikabrytanija.
Vydańnie adznačaje, što kolkaść sapioraŭ va ŭkrainskich uzbrojenych siłach była niedastatkovaj dla praryvu praz składanuju rasijskuju abaronu na vializnym 1000-kiłamietrovym froncie, dzie sapiornyja padraździaleńni byli mišeńniu dla ščylnaha ahniu.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami68
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem77
Kamientary