Łukašenka pryhraziŭ padryvam BiełAES i zajaviŭ pra kantraktnuju armiju na asnovie vahnieraŭcaŭ
Alaksandr Łukašenka padčas naviedvańnia Kamianieckaha rajona zajaviŭ, što choča vykarystoŭvać najmitaŭ PVK «Vahnier» u jakaści bazy dla stvareńnia kantraktnaj armii. Taksama jon zhadaŭ pra jadziernuju zbroju i Astravieckuju AES.
«Što tyčycca hetaj pryvatnaj vajennaj kampanii (PVK «Vahnier»). Kali byli hetyja niepryjemnyja padziei, mnie daviałosia ŭmiešvacca. Bo ja razumieŭ: kali ŭspychnie Rasija, horača budzie ŭsim», — čarhovy raz pryhadaŭ padziei 23 červienia Łukašenka.
«Ja mušu vučyć svaich vajskoŭcaŭ, bo vojska, jakoje nie vajuje, — heta napałovu vojska, vy taksama heta vydatna razumiejecie. Vajavać ja nie chaču. Ja nie chaču, kab hinuli našy chłopcy. Tamu treba ich vučyć. Voś jany i pieradajuć svoj vopyt. Parajać, niešta skažuć. Vielmi zadavolenyja našymi bajcami. Kažuć, heta vielmi padrychtavanyja ludzi, a samaje hałoŭnaje — jany chočuć vučycca. Tamu, znachodziačysia pad Asipovičami, u centry Biełarusi, hetyja chłopcy nikudy nie imknucca. Jany pryvykli vykonvać zahad», — padkreśliŭ Łukašenka.
Jon dadaŭ, što častka vahnieraŭcaŭ zastałasia ŭ Rasii, častka budzie ŭ Afrycy, a častka zastaniecca ŭ Biełarusi.
«Heta była maja inicyjatyva, i ja nie škaduju. Ja chaču pakinuć hetych chłopcaŭ va Uzbrojenych siłach našaj krainy. I, adšturchvajučysia ad ich, bolš aktyŭna stvarać kantraktnaje vojska», — skazaŭ Łukašenka.
Jon adznačyŭ, što bajeviki «Vahniera» — vopytnyja bajcy, nie toje, što sałdaty terminovaj słužby biełaruskaha vojska.
«U nas ža sałdaty, pryzvali, adsłužyŭ paŭtara hoda — syšoŭ. Sam byŭ taki. Zialonyja chłopcy, 18 hadoŭ. A tam daśviedčanyja ludzi, tam u asnoŭnym aficery, heta ich prafiesija — vajavać abo abaraniać krainu. Heta i tańniej. Tamu my pryhladajemsia da hetaha vopytu, kab u budučyni siabie abaranić. Tolki ŭ hetym naša meta», — rastłumačyŭ jon.
Taksama Łukašenka zhadaŭ i jadziernuju zbroju.
«Vy pavinny razumieć, što jadziernaja zbroja — heta biaśpieka. Na jadziernuju krainu jašče nikoli nichto nie napadaŭ. U nas atamnaja stancyja. Heta, ja vam mušu skazać, vielmi mocny faktar biaśpieki.
Kali rvanie, nie daj boža, to mała nie padasca i tam (na Zachadzie) u tym liku. Z hetaj spravaj treba być vielmi aściarožnym».
Ciapier čytajuć
Jamu dali 15 hadoŭ pa pakazańniach Pratasieviča. Jon pasivieŭ za adnu noč31
Jamu dali 15 hadoŭ pa pakazańniach Pratasieviča. Jon pasivieŭ za adnu noč
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary