Aŭtar «SB» i pravakatar Juryj Cierach (pa mianušcy Ludažor), jaki lubić rabić ukidy ŭ miedyja, daŭ intervju Azaronku siarod kryžoŭ u Kurapatach.
Juryj Cierach zhadaŭ vypadak, paśla jakoha jon pakryŭdziŭsia i azłobiŭsia na apazicyju. U 2018-m jon pryjechaŭ u restaran «Pojediem pojedim», jaki pabudavali pobač z Kurapatami. Kaža, što byŭ tady apalityčnym čałaviekam. Kali Cierach padjazdžaŭ da restarana, maładafrontaviec Dzianis Urbanovič sprabavaŭ pierakryć jamu darohu.
«Mnie heta prosta pałamała mozh. Ja ŭsio žyćcio žyŭ u krainie, dzie ŭsio narmalna pa zakonie, dzie ŭ mianie jość zakonnyja pravy, ja ich mahu realizavać, kali štości spatrebicca. I voś niejkija ludzi nie chočuć, kab ja prajechaŭ tudy, kudy ja maju prava pryjechać», — raskazvaje jon.
«I voś tady jany mianie začapili hetym usim», — dadaje.
Razam z Azaronkam jany chodziać siarod kryžoŭ u Kurapatach i prasłaŭlajuć NKVD.
«Kułakoŭ tady pryciskali? Viadoma, pryciskali. Heta bandy byli samyja sapraŭdnyja. Raskułačvali, majontki adbirali? Tak, adbirali. Tamu što nažyli ŭsio niesumlenna, tamu što novaja ŭłada była, — razvažaje Cierach.
— Vorahi narodu — heta nie pusty huk, nie niejkaja pužałka z historyi. Heta realnaść. Jany byli tady, jany jość ciapier».
Cierach zhadvaje taksama, jak jamu ŭ sakaviku 2021 hoda parezali šyny aŭto. Šeść fihurantaŭ ź inicyjatyvy «Busły laciać» tady zatrymali i asudzili za hety i inšyja epizody. Mužčyny atrymali ad 8 da 15 hadoŭ kałonii.
Čytajcie taksama:
Jak pasvarylisia prapahandyst SB, viadučaja kanała HUBAZiKa i sakratarka «Biełaj Rusi»
Stop-fejk: aŭtar «SB» zajaviŭ, što žurnalist «Našaj Nivy» nibyta šantažavaŭ 18-hadovuju dziaŭčynu
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary