Siońnia ŭ Brusieli prezident Jeŭrapiejskaj rady Šarl Mišel pryniaŭ Śviatłanu Cichanoŭskuju razam ź jaje namieśnikami pa Abjadnanym pierachodnym kabiniecie Paŭłam Łatuškam i Valeram Kavaleŭskim. Padčas sustrečy abmiarkoŭvali vajenna-palityčnuju situacyju ŭnutry krainy, pryjezd Pryhožyna i hrupy «Vahnier» u Biełaruś, raźmiaščeńnie ŭ Biełarusi jadziernaj zbroi, nastupstvy dla rehijanalnaj biaśpieki.
Śviatłana Cichanoŭskaja paprasiła Šarla Mišela padniać pytańnie Biełarusi padčas pasiadžeńniaŭ Jeŭrapiejskaj rady, jakaja pačynaje svaju pracu zaŭtra, 29 červienia. Jana źviarnuła ŭvahu, što biełarusy suprać znachodžańnia ŭ Biełarusi rasijskich vojskaŭ, rasijskich najmitaŭ i jadziernaha ŭzbrajeńnia.
Valer Kavaleŭski padkreśliŭ važnaść aktyŭnych palityčnych kamunikacyj ES i jaho čalcoŭ ab situacyi ŭ Biełarusi i zaklikaŭ da praktyčnych dziejańniaŭ pa padtrymcy namahańniaŭ biełarusaŭ u baraćbie za vyzvaleńnie Biełarusi ad dyktatury i rasijskaj vajskovaj prysutnaści.
Pavieł Łatuška źviarnuŭ uvahu na nieabchodnaść sankcyj suprać Łukašenki i jaho atačeńnia jak za złačynstvy suprać čałaviečnaści, tak i za saŭdzieł u vajennaj ahresii.
Abjadnany pierachodny kabiniet vydaŭ zajavu, jakoj denansavaŭ intehracyjnyja damovy z Rasijaj
NAU pieradało ŭ Haahu dokazy vajennych złačynstvaŭ Łukašenki i jahonych prychilnikaŭ
«Vyhnać rasijskich vajskoŭcaŭ z našaj krainy». Cichanoŭskaja źviarnułasia da dypłamataŭ, čynoŭnikaŭ i siłavikoŭ u suviazi z padziejami ŭ Rasii
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary
vynikaŭ, bo ŭnutry zaraz - tatalny teror i biezzakońnie. Košt niazhody - invalidnaść abo śmierć. Ale kali ahladacca ŭ historyju - dyk z momantu likvidacyi
parlamantu ŭ 1996 i da 2020 režym nikoli nie adčuvaŭ nastolki praciahłaha cisku i izalacyi. I hałoŭnaje - šlachoŭ vyśliznuć
i viarnuć choć by niejkaje padabienstva taho, što było da 2020 navat u
adnosinach z Kyivam u jaho užo niama. Vajna, saŭdzieł u ahresii i vajennych
złačynctvach mocna paskoryli pracesy raspadu.
Nieabchodnaść adkrytaha supracoŭnictva ź inšaziemnymi harłarezami dziela
utrymańnia sabie na tronie - heta vielmi jaskravy znak, jaki śviedčyć ab tym,
što brakuje ŭpeŭnienaści navat ŭ svaich štykach ŭ krytyčnym vypadku. Tamu
zaraz hałoŭnaje - heta nie sdavacca, nie spyniacca i dziaŭbci, dziaŭbci, dziaŭbci!