PARIE padtrymała rezalucyju ab likvidacyi jurydyčnych pieraškod dla biełarusaŭ u vyhnańni
Na siesii Parłamienckaj asamblei Rady Jeŭropy prajšło hałasavańnie pa rezalucyi člena Pałaty deputataŭ Luksiemburha Pola Halesa. Pieravažnaj bolšaściu hałasoŭ rezalucyja była ŭchvalenaja.
Dakumient Halesa siarod inšaha zaklikaŭ siabroŭ Rady Jeŭropy likvidavać administracyjnyja i jurydyčnyja pieraškody dla biełarusaŭ u vyhnańni, zabiaśpiečyć ludziam adpaviedny ŭzrovień abarony, dazvalajučy intehravacca i zachavać pry hetym nacyjanalnuju identyčnaść.
U rezalucyi taksama prapanujecca vydavać humanitarnyja vizy va ŭsich pasolstvach / konsulstvach, jakija praciahvajuć pracavać u Minsku, i abmierkavać mahčymaść vydačy pašpartoŭ dla biełarusaŭ u vyhnańni, jakija buduć pryznanyja siarod dziaržaŭ-členaŭ.
«Za» prahałasavali 87 čałaviek, 3 ustrymalisia, «suprać» nie vystupiŭ nichto.
Źbirać infarmacyju ab prablemach biełarusaŭ, jakija majuć mihracyjny dośvied, luksiemburhskamu deputatu dapamahaŭ Ofis Śviatłany Cichanoŭskaj.
Daradca Cichanoŭskaj pa pravavych pytańniach Kryścina Rychter pa vynikach pryniaćcia dakumienta adznačyła: «Uvieś hety praces važny, tamu što jon vielmi vyrazna vyłučaje biełarusaŭ jak śpiecyfičnuju hrupu, dla jakoj treba stvarać umovy: vydaču humanitarnych viz i stvareńnie humanitarnych kalidoraŭ, palapšeńnie ŭmoŭ dostupu da rynku pracy i adukacyi, stvareńnie śpiecyjalnych pracedur lehalizacyi».
Na plenarnym pasiadžeńni PARIE pierad debatami pa Biełarusi vystupiŭ «Volny chor». Paśla vystupu Cichanoŭskaj jon vykanaŭ dźvie pieśni — «Pahoniu» i «Žyvie Biełaruś!» na vieršy Niaklajeva. Udzielniki «Volnaha choru» mieli na sabie bieł-čyrvona-biełyja maski i trymali bieł-čyrvona-biełyja ściahi. U kancy jany praskandavali «Žyvie Biełaruś!».
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary