Idzie 475-ty dzień poŭnamaštabnaj vajny. Ukraina čarhovy raz była abstralanaja rakietami.
Nočču 13 červienia ŭ Kryvym Rohu rasiejcy patrapili ŭ piacipaviarchovy dom, jość zahinułyja i paranienyja.
«Pracujuć usie ekstrannyja słužby, zakančvajecca tušeńnie pažaraŭ. Chutkaja akazvaje dapamohu, jość paciarpiełyja ŭ vielmi ciažkim stanie, imavierna, jość ludzi pad zavałami», — napisaŭ kiraŭnik haradskoj vajennaj administracyi Alaksandr Viłkuł.
Paviedamlajecca, minimum pra šeść zahinułych.
Taksama ŭnačy rasiejcy atakavali Kijeŭ kryłatymi rakietami Ch-101/555, SPA źniščyła ŭsie varožyja celi, paviedamiŭ načalnik Kijeŭskaj haradskoj vajennaj administracyi Siarhiej Papko.
Papiarednie paviedamlajecca, što dla ataki na Kijeŭ praciŭnik užyŭ kryłatyja rakiety Ch-101/555, tradycyjna vypuščanyja stratehičnymi bambardziroŭščykami Tu-95MS z rajona Kaśpijskaha mora.
Papko adznačyŭ, što ŭsie varožyja celi ŭ pavietranaj prastory vakoł Kijeva byli vyjaŭlenyja i paśpiachova źniščanyja siłami i srodkami supraćpavietranaj abarony, piša «Ukrainskaja praŭda».
Infarmacyja ab achviarach abo razbureńniach pakul nie pastupała.
Abstralany «Šachiedami» byŭ taksama Charkaŭ.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary