Kaardynatar pa stratehičnych kamunikacyjach Rady nacyjanalnaj biaśpieki Biełaha doma Džon Kirbi na bryfinhu ŭ sieradu čarhovy raz rastłumačyŭ pazicyju Złučanych Štataŭ pa viadzieńni bajavych dziejańniaŭ na terytoryi Rasii.
Pa słovach Kirbi, ZŠA nie ŭkazvajuć Ukrainie, pa jakich celach bić, a pa jakich nie bić, hetak ža nie ŭkazvajuć, jak ukrainskija siły pavinny vieści bajavyja dziejańni, piša «Jeŭrapiejskaja praŭda».
«My zabiaśpiečvajem ich navučańniem, abstalavańniem, paradami — i my navat razam ź imi zajmajemsia situacyjnym madelavańniem, kab dapamahčy płanavać dalejšyja dziejańni», — padkreśliŭ jon.
«Ale mienavita prezident Zialenski i vajskovaje kiraŭnictva vyrašajuć, što rabić z vajennaha punktu hledžańnia. I mienavita jany vyrašajuć, što rabić z uzbrajeńniem, jakoje im dali i jakoje ciapier znachodzicca ŭ ich ułasnaści», — padkreśliŭ pradstaŭnik Biełaha doma.
Kirbi, adnak, dadaŭ, što ZŠA «vielmi vyrazna zajaŭlali ŭkraincam i ŭ pryvatnym, i ŭ publičnym paradku», što nie padtrymlivajuć ataki ŭnutry Rasii i nie chočuć, kab jany ažyćciaŭlalisia z vykarystańniem amierykanskaj zbroi.
Asobna jon zajaviŭ, što Vašynhton atrymaŭ zapeŭnieńni nievykarystańnia ŭ budučyni źniščalnikaŭ F-16 dla ŭdaraŭ pa RF: «I hetyja zapeŭnieńni ŭ nas jość na roznych uzroŭniach: nie tolki z boku Zialenskaha, ale i ad inšych čynoŭnikaŭ abaronnaha siektara va Ukrainie».
Nahadajem, ranicaj 30 maja, pavodle roznych źviestak rasijskich ŚMI, ad 25 da 32 bieśpiłotnikaŭ atakavali Maskvu. U vyniku ataki było paškodžana, prynamsi, dva šmatpaviarchovyja damy, paviedamlajecca, što bolšaść dronaŭ źbili na padlocie da rasijskaj stalicy.
Ministr zamiežnych spraŭ Vialikabrytanii Džejms Klevierli, kamientujučy ŭdary dronaŭ u Maskvie, zajaviŭ, što Ukraina maje zakonnaje prava abaraniacca i moža «vykarystoŭvać siłu za svaimi miežami».
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich16
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1515
Kamientary