U hetym hodzie Sacyjał-demakratyčnaj partyi Hiermanii (SDPH) spaŭniajecca 160 hadoŭ. Heta najstarejšaja partyja krainy, la vytokaŭ jakoj stajali Fierdynand Łasal, Vilhielm Libkniecht, Aŭhust Biebiel.
Pry Bismarku i Hitleru jana była zabaroniena, a ŭ FRH doŭhija hady znachodziłasia ŭ apazicyi Chryścijanska-demakratyčnamu sajuzu. Ciapier SDPH uznačalvaje kiroŭnuju ŭ krainie kaalicyju, piša Bild.
Paśla skandału z naviedvańniem ambasady RF 9 maja šerah sacyjał-demakrataŭ prapanavaŭ vyklučyć Šrodera z partyi.
Arbitražnaja kamisija SDPH adchiliła hetuju inicyjatyvu. Ale eks-kanclera nie stali zaprašać na jubilejnyja ŭračystaści ŭ Bierlinie 23 maja.
Hienieralny sakratar SDPH Kievin Kiuniert prama zajaviŭ, što heta źviazana z naviedvańniem Šroderam ambasady RF i «blizkaściu da raspalvalnika vajny i ahresara».
Pry hetym Šrodera možna budzie ŭbačyć 23 maja ŭ roliku pra historyju SDPH. Pa słovach Kiunierta, eks-kancler zastajecca «častkaj sacyjał-demakratyčnaj historyi», a «razryŭ z Hierchardam Šroderam — heta nie histaryčny, a sučasny razryŭ».
Kamientary