Minsk choča pierastrachavacca: Biełaruś uviała pahraničny kantrol na ŭjeździe z Rasii
Na darohach z Rasii źjavilisia pasty biełaruskich pamiežnikaŭ. U tych, chto ŭjazdžaje, praviarajuć pašparty. Hetuju infarmacyju «Zierkału» paćvierdzili ŭ Dziaržpahrankamitecie.
U piatnicu 5 maja stali pastupać paviedamleńni, što na miažy z Rasijaj ź biełaruskaha boku staviać niešta nakštałt kantrolnych punktaŭ.
«Na vyjeździe z RB praz Dobruš ustaloŭvajuć niejkija KPP u vyhladzie cieramkoŭ. Pracujuć pamiežniki», — takoje paviedamleńnie zaŭvažyŭ «Fłahštok».
Jak paviedamili «Zierkału» čytačy, padobnaje adbyvajecca i na trasie M-1 la miažy: pavodle infarmacyi čytača, tam kala strachavych kijoskaŭ uviečary ŭ čaćvier pačali pracy i ŭžo pastavili pamiežny punkt: para vahončykaŭ dla pamiežnikaŭ, čatyry šłahbaŭmy, zaharadžalnaja stužka z šypami.
Infarmacyju paćvierdzili ŭ Dziaržpahrankamitecie, paviedamlaje «Zierkało».
«Zhodna z zakanadaŭstvam ab orhanach pamiežnaj słužby, na ŭjeździe ŭ Respubliku Biełaruś ciapier budzie vieścisia pravierka dakumientaŭ», — adkazali vydańniu.
«Heta časova», — padkreślili ŭ viedamstvie.
Pa słovach pradstaŭnika DPK, kantrol budzie dziejničać «da asablivaha rasparadžeńnia».
U telehram-kanałach paviedamlajuć, što na miažy ŭžo źjavilisia čerhi daŭžynioj u niekalki kiłamietraŭ. Asabliva staranna praviarajuć rasijan, pišuć tam.
Uviadzieńnie pašpartnaha kantrolu na ŭjeździe z Rasii adbyłosia paśla narady Alaksandra Łukašenki ź siłavikami 2 maja paśla dyviersii na čyhuncy ŭ Branskaj vobłaści Rasii.
Vyhladaje, što ŭłady aścierahajucca, što Rasija ŭžo nie kantraluje svaich hranic z Ukrainaj, pra što śviedčać svabodny ŭvachod dyviersijnych hrup u rasijskija vioski, a taksama padryvy čyhunki. Minsk choča pierastrachavacca, kab praź niekantralavanuju miažu z Rasijaj zbroja i dyviersanty nie traplali ŭ našu krainu. Łahičny krok u takim razie — uvieści ŭłasny filtr na hranicy.
«Naša Niva» — bastyjon biełaruščyny
PADTRYMAĆ-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary