Amierykanski bambardziroŭščyk, zdolny nieści jadziernuju zbroju, pralacieŭ kala miežaŭ Rasii nad Finskim zalivam
Uviečary 11 sakavika amierykanski stratehičny bambardziroŭščyk Boeing B-52 ździejśniŭ manieŭr u 200 km ad Sankt-Pieciarburha. Maršrut možna było nazirać praz servis FlightRadar24.
Bambardziroŭščyk, pavodle infarmacyi servisu, vylecieŭ z terytoryi Polščy, zajšoŭ u pavietranuju prastoru nad Bałtyjskim moram, raźviarnuŭsia ŭ rajonie rasijskaha vostrava Hohłand u Finskim zalivie, paśla čaho nakiravaŭsia ŭ bok Vialikabrytanii.
Ministr abarony Polščy Maryjuš Błaščak napisaŭ u tvitary, što B-52N supravadžali polskija źniščalniki. «Heta važny elemient vučeńniaŭ pa apieratyŭnaj sumiaščalnaści. Razam my kłapocimsia pra biaśpieku ŭschodniaha fłanhu NATA», — dadaŭ jon.
Dyrektar Finskaha instytuta mižnarodnych stasunkaŭ Mika Aałtoła nazvaŭ palot bambardziroŭščyka «vyraznym sihnałam Rasii na jaje pravakacyjnyja dziejańni».
B-52 zdolny nieści jak zvyčajnyja, tak i jadziernyja bojeprypasy.
U Rasii pakul nie kamientavali jaho palot nad Finskim zalivam.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary