Navukoŭcy zmahli vyvieści žyvoje patomstva ad dvuch myšej-samcoŭ. Na čarzie — dośledy na ludziach
«Heta dazvolić razmnažacca biez udziełu žančyn».
Navukoŭcy z univiersiteta Osaki zmahli atrymać 7 zdarovych myšaniat ad darosłaj pary samcoŭ. Pra heta 9 sakavika paviedamiła ahienctva Sky News.
«Heta stała mahčymym dziakujučy pieratvareńniu mužčynskaj stvałavoj kletki adnaho z samcoŭ u žanočuju jajcakletku, jakuju paśla hetaha apładniŭ užo inšy samiec. Atrymanaje patomstva nie mieła nijakich prablem sa zdaroŭjem i praciahłaściu žyćcia», — zajaviŭ prafiesar Kacuchika Chajasi z Univiersiteta Osaki, prezientujučy hety prajekt na navukovaj kanfierencyi ŭ Łondanie.
Pavodle jaho słoŭ, hetaje adkryćcio dazvolić dvum mužčynam zavodzić svaich dziaciej biez udziełu žančyn. A žančynam heta moža dapamahčy ŭ lačeńni sindromu Ciornera — asablivaha žanočaha hienietyčnaha zachvorvańnia, jakoje całkam abo častkova źniščaje adnu z X-chramasom, što pryvodzić da nizkarosłaści, defarmacyi sustavaŭ, limfastazu i inšych prablem raźvićcia.
Pry hetym, jak adznačaje prafiesar Chajasi, na adaptacyju padobnaj technałohii pad patreby čałavieka spatrebiacca hady, bo čałaviečym kletkam treba bolš času dla vytvorčaści śpiełych jajcakletak, i za hety pieryjad zvyčajna ŭźnikaje bolš adchileńniaŭ ci anamalij.
Nahadajem, što jašče ŭ listapadzie minułaha hoda brytanskija navukoŭcy stvaryli embryjon myšy, naohuł nie vykarystoŭvajučy pałavyja kletki.
A inšaja kamanda daśledčykaŭ užo sioleta zmahła całkam spynić praces stareńnia ŭ myšej i navat amaładzić ich.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu1
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Vuń i Kolu biez aficyjnaje žonki zrabili, tobok navad vypieścili jaho ŭsimi Drazdami 8-)