Kamisija, uznačalenaja hałoŭnaj doktarkaj Respublikanskaha kliničnaha miedcentra Kiraŭnictva spraŭ Łukašenki Irynaj Abielskaj, abjazdžaje abłasnyja i rajonnyja balnicy. Miedykaŭ ža cikavić, jakaja jana, Iryna Abielskaja, i da kaho bolš padobny Mikałaj Łukašenka.
Kamisiju stvaryli na zahad Administracyi Łukašenki. U joj bolš za dvaccać śpiecyjalistaŭ, kožny ź ich adkazvaje za pravierku peŭnaj śfiery dziejnaści miedycynskaj ustanovy.
«U kamisii supracoŭniki kafiedraŭ navučalnych ustanoŭ, ministerskija rabotniki, daktary z navukovymi stupieniami. Praviarajuć absalutna ŭsio. Fatahrafujuć historyi chvarob pacyjentaŭ. Vyśviatlajuć u supracoŭnikaŭ, jak jany viedajuć svaju śpiecyjalnaść. Pytańni zadajucca praktyčnaha charaktaru. Na ich treba adkazać vyrazna i kankretna», — raskazvaje supracoŭnica adnoj z balnic.
Pa jaje słovach, kamisija pa vynikach pravierki padrychtuje daviedku, u jakoj vykładzie, ci hatovy piersanał da vykanańnia svaich abaviazkaŭ i čaho miedycynskaj ustanovie nie chapaje. Niekamu z načalstva vyniesuć dyscyplinarnaje spahnańnie, niekaha mohuć zvolnić.
«Kali ničoha kamisija nie znojdzie, to jana kiepska šukała. Takaja ŭ nas zaviadzionka. Takija pravierki surjozna nie ŭpłyvajuć na funkcyjanavańnie balnic. Moža być, niešta balnicam pierapadzie z materyjalna-techničnaj bazy. Kamisija adčytajecca pierad tymi, chto jaje stvaryŭ, što praca joju zroblenaja. Vyjaŭlenyja takija i takija chiby. Prynamsi, tak było ź inšymi kamisijami», — ličyć naša surazmoŭca.
U balnicach zahadzia viedajuć, kali naviedajecca kamisija, i da jaje rychtujuć piersanał.
«Pravodziacca schody z zahadčycami adździaleńniaŭ, staršymi siostrami. Patrabujuć, kab daktary nie mieli piarścionkaŭ, zavušnic, daŭhich paznohciaŭ i manikiuru na pracy. Prahladali instrukcyi, zahady, darablali toje, čaho nie zrabili ŭ čas», — adznačaje miedyk.
Miedycynskaja supracoŭnica kaža pra Irynu Abielskuju, što jana pryjemnaja ŭ asabistaj kamunikacyi žančyna, «nie złosnaja i nie ahresiŭnaja».
«Mahčyma, jana ŭmieje siabie pavodzić na ludziach. Ale vyhladała, što jana prostaja ŭ razmovie, biez pantoŭ. Kaleh cikaviła pytańnie, da kaho padobny syn Łukašenki. Usie pahadzilisia, što bolš da Abielskaj», — apaviadaje supracoŭnica rajonnaj balnicy.
Iryna Abielskaja była asabistaj doktarkaj Łukašenki. Pasadu kiraŭnicy «lečkamisii» jana zajmaje z 2009 hoda.
Niečakanymi pravierkami balnic Łukašenka strašyŭ ministra achovy zdaroŭja Dźmitryja Pinieviča na adnoj z narad u kancy minułaha hoda. Litaści nie budzie, abiacaŭ jon čynoŭniku.
«Ja vas chaču papiaredzić: u najbližejšy čas mnoju budzie stvoranaja mabilnaja hrupa absalutna niezaležnych ad vas ludziej, śpiecyjalistaŭ, jakija pravierać i sistemu achovy zdaroŭja, i vybaračna niečakana pravierać balnicy, — zajaŭlaŭ tady Łukašenka.
Nahodaj dla pravierak staŭ vypadak, pra jaki raskazaŭ sam Łukašenka na hetaj ža naradzie. Pa jaho słovach, jamu daviałosia ŭmiašacca ŭ lačeńnie žycharki Škłoŭskaha rajona, jakuju, pa słovach Łukašenki, jon amal vyciahnuŭ z morha. Sa škłoŭskaj lakarni žančynu pieravieźli ŭ Mahiloŭskuju abłasnuju balnicu.
«Kožny faktyčna viečar mnie dakładvali stan čałavieka. Asacyjalnaha čałavieka, ale ŭsio roŭna čałavieka, dla mianie heta čałaviek», — davodziŭ na naradzie Łukašenka.
Z hetaha vypadku jon zrabiŭ vysnovu, što ŭ balnicach kiepska lečać, tamu arhanizavaŭ ich pravierku.
Žančynu, pra jakuju raskazaŭ Łukašenka, pavodle miedykaŭ, z Mahilova pierapravili ŭ Minsk. Jak skłaŭsia jaje dalejšy los, nieviadoma. Paśla taho jak jana pabyvała ŭ mahiloŭskaj balnicy, byŭ zvolnieny namieśnik hałoŭnaha lekara pa miedycynskaj častcy. Pryčyna nieviadomaja.
«Naša Niva» — bastyjon biełaruščyny
PADTRYMAĆDziaržaŭnyja prapahandysty raskazali pra žančynu, jakuju Łukašenka nibyta «praktyčna vyciahnuŭ z morha»
Iryna Abielskaja taksama była ŭ Zimbabve i siadzieła razam z Kolem FOTA
Jak Iryna Abielskaja akazałasia zasnavalnicaj pryvatnaj škoły ŭ Drazdach
-
Iranka adkryła ŭ Minsku art-kafe. Tam pradajuć rečy ručnoj raboty i padajuć kapučyna z šafranam
-
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary