Aleku Bołduinu vystavili abvinavačvańni ŭ nienaŭmysnym zabojstvie apieratara Haliny Chatčyns. Jaho mohuć pasadzić na piać hadoŭ
Prakuratura štata Ńju-Mieksika aficyjna vystaviła akcioru Aleku Bołduinu i kansultantu pa zbroi Chańnie Hutjeres-Ryd abvinavačvańni ŭ nienaŭmysnym zabojstvie apieratara Haliny Chatčyns, jakaja zahinuła na zdymkach filma «Irža».
Bołduina i Hutjeres-Ryd abvinavačvajuć pa dvuch punktach artykuła ab nienaŭmysnym zabojstvie. Kali prysiažnyja pryznajuć ich vinavatymi, to akcior i kansultant buduć asudžanyja tolki pa adnym ź ich. Jaki z dvuch punktaŭ abvinavačvańnia bolš adpaviadaje zdareńniu, pavinny buduć vyznačyć prysiažnyja. Pieršy punkt praduhledžvaje da 18 miesiacaŭ turemnaha źniavoleńnia, druhi — da piaci hadoŭ pazbaŭleńnia voli, paviedamlaje CNN.
Advakat Bołduina admoviŭsia ad kamientaroŭ. Raniej, kali stała viadoma, što prakuratura vystaviła Bołduinu abvinavačvańni, jaho abaronca zajaviŭ CNN, što ličyć hetaje rašeńnie «žudasnaj pamyłkaj pravasudździa».
Apieratar Halina Chatčyns zahinuła na zdymačnaj placoŭcy filma «Irža» ŭ kastryčniku 2021 hoda ŭ vyniku strełu ź pistaleta, jaki vykarystoŭvaŭsia jak rekvizit, ale byŭ zaradžany bajavymi patronami.
Pistalet u momant strełu znachodziŭsia ŭ rukach Bołduina, sam jon śćviardžaŭ, što nie naciskaŭ na spuskavy kručok. Adnak kryminalisty ŭ svajoj spravazdačy zajavili, što zbroja nie mahła vystralić sama.
Channa Hutjeres-Ryd, pa viersii prakuratury, nie nastojvała na navučańni Bołduina technicy biaśpieki, nie praviarała kožny patron, a taksama nie vykonvała praviły biaśpieki pry zachoŭvańni bojeprypasaŭ.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary