U Mahilovie «nieviadomyja» raźbili šyby ŭ kaściole. Vierniki kanstatujuć, što napady na katalickija chramy pačaścilisia
U noč z 19 na 20 studzienia ŭ Mahilovie ździejśnieny napad na katalicki chram Uniebaŭziaćcia Najśviaciejšaj Panny Maryi i śviatoha Stanisłava. Nieviadomyja raźbili šyby ŭ budynku katedralnaha kaścioła — adnoj z najbolš histaryčna važnych katalickich śviatyń u Biełarusi. Parafija źviarnułasia z zajavaj u milicyju.
Jak paviedamlaje Catholic.by, paškodžanyja vokny preźbiteryja, taksama raźbityja šyby kaplicy Maci Božaj Białynickaj i śviatoha Antonija Paduanskaha, u tym liku paškodžanyja vokny pamiaškańniaŭ, dzie adbyvajucca sustrečy hrup viernikaŭ.
Taksama raźbityja vokny padvalnych pamiaškańniaŭ pad kaplicaj Maci Božaj Białynickaj.
Parafija źviarnułasia z zajavaj u milicyju.
Za apošnija niekalki hod vypadki vandalizmu katalickich chramaŭ značna pačaścilisia, źviartaje ŭvahu «Chryścijanskaja vizija». U krasaviku 2021-ha nieviadomyja pranikli ŭ kaścioł u Novałukomli i napisali źniavažlivyja słovy na ścienach preźbiteryja. Heta byŭ adziny vypadak, kali vinavatych znajšli.
U mai 2021-ha nieviadomyja pieraleźli praz aharodžu kuryi Minska-Mahiloŭskaj archidyjacezii i paškodzili damafon, vybili łabavuju šybu ŭ aŭto, papieravaročvali kvietki i złamali lichtar.
U lipieni taho ž hoda byŭ abakradzieny kaścioł sv. Ihnacyja Łajoły ŭ Viciebsku. Tady nieviadomyja asoby pranikli ŭ budynak kaścioła, abrezali i skrali pravady elektrapravodki i akustyčnaj sistemy. U abodvuch vypadkach złačyncy tak i nie byli znojdzieny.
Raniej nieaficyjna paviedamlałasia, što pierad pažaram u Čyrvonym kaściole ŭ Minsku, paśla jakoha chram zakryli, nieviadomyja taksama raźbili šyby. Pra chod rasśledavańnia pakul ničoha nie viadoma.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary