«Jon nie čakaŭ mianie pabačyć, spałochaŭsia». Cichanoŭskaja na samicie ABSIE ŭ Łodzi zrabiła sumiesnaje fota z pradstaŭnikom režymu
U Łodzi na pačatku śniežnia adbyłosia pasiadžeńnie Rady ministraŭ ABSE. Fatohrafy na im «złavili ŭ abjektyŭ» Śviatłanu Cichanoŭskuju i pradstaŭnika łukašenkaŭskich uładaŭ Andreja Dapkiunasa.
Łukašenkaŭski režym na samicie ABSIE ŭ Łodzi pradstaŭlaŭ Andrej Dapkiunas, pasoł Biełarusi ŭ Aŭstryi, stały pradstaŭnik Biełarusi pry ABSE. Uvohule tam musiŭ być ministr zamiežnych spraŭ Uładzimir Makiej, ale, jak viadoma, jon pamior niezadoŭha da samitu.
Fatohrafam Getty Images udałosia zafiksavać momant, kali Śviatłana Cichanoŭskaja znachodziłasia pobač z Dapkiunasam i nachiliłasia niešta jamu skazać.
Sama Cichanoŭskaja prakamientavała heta fota ŭ razmovie z «Radyjo Svaboda». Pavodle Cichanoŭskaj, jana, pabačyŭšy tabličku «Biełaruś» i Dapkiunasa kala jaje, padyšła da jaho.
«Ja viedała chto heta, padyšła da jaho i skazała jamu: «Udačy!» Jon nie čakaŭ mianie pabačyć, spałochaŭsia, ja dumaju, ničoha nie adkazaŭ».
Bolš na tym forumie Cichanoŭskaja sprobaŭ pahutaryć z aficyjnymi pradstaŭnikami Biełarusi nie rabiła.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary