Pasprabujcie vyrašyć zahadku Ejnštejna

Časam aŭtaram hałavałomki ŭvohule nazyvajuć Luisa Kerała. Tym nie mienš, niama nijakich dokazaŭ taho, što zadańnie prydumaŭ Ejnštejn ci Kerał. Ale ad hetaha zadača nie pierastaje być mienš zajmalnaj.

Zadača

Jość piać damoŭ, jakija stajać u rad na adnoj vulicy. 

Kožny dom maje ścieny peŭnaha koleru — nie takoha, jak ścieny inšych damoŭ. 

Uładalnik kožnaha doma pje svoj napoj, palić svaju marku cyharet, trymaje peŭny typ svojskich žyvioł i maje nie takuju nacyjanalnaść, jak haspadary inšych damoŭ. 

Takim čynam, va ŭsich piaci damach nivodnaja ź pieramiennych nie supadaje — usie jany ŭnikalnyja.

Što vy viedajecie

1. Anhličanin žyvie ŭ domie z čyrvonymi ścienami. 
2. Švied trymaje sabak.
3. Datčanin pje harbatu.
4. Dom ź zialonymi ścienami znachodzicca źleva ad doma ź biełymi ścienami.
5. Haspadar doma ź zialonymi ścienami pje kavu.
6. Čałaviek, jaki palić Pall Mall, trymaje ptušak.
7. Haspadar doma z žoŭtymi ścienami palić Dunhills.
8. Mužčyna ŭ centralnym domie pje małako.
9. U pieršym domie žyvie narviežac.
10. U kurca marki Blend jość susied, jaki trymaje katoŭ.
11. Čałaviek, jaki palić Blue Masters, pje piva.
12. Čałaviek, jaki trymaje koniej, žyvie pobač z kurcom Dunhill.
13. Niemiec palić Prince.
14. Narviežac žyvie pobač z domam z błakitnymi ścienami.
15. U kurca marki Blend jość susied, jaki pje vadu.

Pytańnie

Adzin z haspadaroŭ trymaje rybu — chto heta?

Padkazka

Popular Mechanics prapanuje pačać zapaŭniać hetuju tablicu nižej i pahladzieć, nakolki daloka vy možacie prajści. Adkaz znojdziecie pad malunkam.

Pavialičyć

Rašeńnie

Pačnicie z dadzienaj vam infarmacyi: narviežac žyvie ŭ pieršym domie (padkazka 9), a mužčyna ŭ centralnym domie pje małako (padkazka 8). Zapoŭnicie ich u tablicu. Heta jak startavyja ličby ŭ hałavałomcy sudoku.

Ciapier pačynajecca doŭhi praces dedukcyi. Vy viedajecie, što narviežac žyvie pobač z domam z błakitnymi ścienami (padkazka 14), a pobač ź pieršym domam tolki adzin dom, tamu ŭ domie 2 błakitnyja ścieny.

Ciapier vam treba pahladzieć na padkazki 4 i 5 razam: uładalnik doma ź zialonymi ścienami pje kavu (padkazka 5), a dom ź zialonymi ścienami znachodzicca źleva ad doma ź biełymi ścienami (padkazka 4). Dom ź zialonymi ścienami i kavavarkaj nie moža być domam 2, tamu što ŭ hetaha doma błakitnyja ścieny, i nie moža być siarednim domam (dom 3), tamu što haspadar hetaha doma pje małako. Takim čynam, dom ź zialonymi ścienami i čałaviekam, jaki pje kavu — heta dom 1, 4 ci 5, ale jon taksama pavinien znachodzicca niepasredna źleva ad doma ź biełymi ścienami, što vyklučaje dom 1 i 5, tamu što dom ź biełymi ścienami nie moža znachodzicca sprava ad doma 1 abo 5. Ciapier vy viedajecie, što dom 4 maje zialonyja ścieny i kavavarku, i vy viedajecie, što dom 5 maje biełyja ścieny.

I hetak dalej i dalej, pakul nie znojdziecie rybu. Mabyć, samyja składanyja vysnovy, jakija vam daviadziecca zrabić na hetym šlachu, — heta vyśvietlić, chto pje vadu. Vy možacie ŭbačyć tablicu z usioj infarmacyjaj tut, a ŭ TED-Ed jość vydatnaje videa, jakoje praviadzie vas praz usie kroki.

Dyk chto trymaje rybu? Niemiec! Jon žyvie ŭ domie 4 ź zialonymi ścienami, palić Prince i pje kavu. Mahčyma, my možam dumać pra hetaha niamieckaha haspadara ryby jak pra samoha Ejnštejna.

Pavialičyć

• 71
• 0
• 7
• 11
• 2
• 4
• 16
• 0