Raniej havorka išła pra kansiervacyju. Ciapier uładalniki pałaca stvaryli poŭny prajekt rekanstrukcyi, jaki padali ŭ Minkult dla ŭzhadnieńnia. «Ja i maje siabry zastajomsia ŭ Biełarusi i, jak možam, pa cahlincy, robim usio, kab i Biełaruś zastałasia — u našych dziaciej», — napisaŭ na svajoj staroncy ŭ fejsbuku adzin z uładalnikaŭ pałaca Horvataŭ u Naroŭli Piatro Kuźniacoŭ.
U 2020 hodzie Piatro Kuźniacoŭ razam z Alaksandram Baranavym i piśmieńnikam Andrusiom Horvatam (aŭtaram knih «Radziva «Prudok» i «Premjera») nabyli zakinuty pałac Horvataŭ u Naroŭli. Ciapier jany adnaŭlajuć budynak, nahadvaje «Štodzień».
Na dadzieny momant budynak całkam rasčyščany, što, jak adznačaje Piatro Kuźniacoŭ, było samaj vialikaj i ciažkaj pracaj. «Rasčystka pakazała, u jakim stanie znachodziacca ścieny i mienavita heta stała pryčynaj taho, što dachu jašče niama: čas i šmat resursaŭ pajšło na ŭmacavańnie starych i razburanych vuzłoŭ budynka, biez čaho dach nakryć prosta niemahčyma. Hetyja pracy nie płanavalisia pieršapačatkova, ale ich daviałosia rabić» — adznačaje Piatro Kuźniacoŭ.
Taksama ŭładalniki pałaca nabyli poŭny abjom nieabchodnych materyjałaŭ dla stracharskich rabot, zrabili šmat ekśpiertyz i ŭzhadnieńniaŭ, umacavali ŭsie ŭraźlivyja miescy ŭ ścienach, nakryli amal uvieś Pałac pierakryćciami. Usie pracy, zaŭvažaje Piatro Kuźniacoŭ robiacca vyklučna pavodle technałohii, z vykarystańniem rastvoru z vapny. Takim čynam, reziumuje Piatro Kuźniacoŭ, «u nas na rukach dva prajekty i kuča ekśpiertyz; całkam rasčyščany Pałac, jaki prosta śviecicca ŭžo ŭ pramianiach sonca; umacavanyja i padrychtavanyja pad dach ścieny; praktyčna poŭnyja paddaškavyja pierakryćci; nieabchodny nabor materyjałaŭ dla nakryćcia Pałaca dacham».
Dla dalejšaha adnaŭleńnia Pałaca nieabchodnaja dapamoha. «Moža, nie najlepšy čas: vakoł vajna, bol i hora. Ale najlepšaha času nie budzie: razbureńni nie čakajuć. Toje, što my siońnia robim i toje, što my možam zrabić z vašaj dapamohaj — heta nie tolki našaje minułaje. Heta, u tym liku, i našaja budučynia taksama». — Piša ŭ svaim paście ŭ fejsbuku Piatro Kuźniacoŭ i prosić ab dapamozie: «Hod tamu ja pisaŭ pra toje, kali chtości z maich čytačoŭ cenić maju pracu, maju pazicyju i maje vysiłki — moža zrabić mnie padarunak na Dzień naradžeńnia, prosta zrabiŭšy luboha pamieru pieravod na adnaŭleńnie Pałaca. Sioleta ja paŭtaraju prośbu. Žyć u Biełarusi rabić štości dla Biełarusi — najlepšy padarunak».
Pieravod pavodle adnoŭlenych rekvizitach možna zrabić tut (sumu možna pastavić lubuju, paznačanaja suma — dla prykładu).
-
Vyjšła aŭtabijahrafija Marka Šahała «Svajo»
-
«Ruskaj movy moj syn nie čuje». Marharyta Laŭčuk — pra vykliki maciarynstva, viartańnie na vialikuju scenu, abražanaha Łukašenku i kachańnie
-
U Vilni ŭšanujuć pamiać biełaruskaha fatohrafa Juzafa Čachoviča i mastakoŭ Ślandzinskich. Vakoł šyldaŭ razhareŭsia moŭny skandał
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary