Pra toje, što na ścianie sinahohi-muzieja ŭ Babrujsku źjavilisia litary Z, jašče ŭ subotu ŭviečary babrujskaj habrejskaj supołcy paviedamili ź Izraila — tam ubačyli fotazdymki ŭ internet-pablikach, piša «Viečiernij Bobrujsk».
Try litary Z byli namalavanyja siniaj farbaj na fasadnaj ścianie sinahohi, adna ź litar była «zadam napierad». Adrazu ž u subotni viečar nadpisy pasprabavaŭ admyć babrujčanin Dźmitryj, jakoha pra heta paprasiŭ siabra habrejskaj supołki.
Jak raspaviała miascovamu vydańniu «Viečiernij Bobrujsk» žycharka susiedniaha ź sinahohaj doma, nadpisy źjavilisia ŭ subotu 30 krasavika pamiž 18.00 i 20.00. Na bramie jaje doma taksama namalavali tyja samyja litary. Žančyna nikudy nie paviedamlała pra nadpisy, a ŭ niadzielu sama ich zmyła sa svajoj bramy.
Ačyścić ścianu sinahohi akazałasia bolš składana — atrymałasia tolki pry dapamozie śpiecyjalnaha srodku dla vydaleńnia łakafarbavych pakryćciaŭ. Dźmitryj sprabavaŭ zmyć farbu acetonam — nie atrymlivałasia, jana ŭjełasia ŭ pory i raskoliny cehły. Ź mietaličnaj ščotkaj sprava pajšła lepš. A nieŭzabavie pryvieźli śpiecyjalny vydalalnik łakafarbavych pakryćciaŭ, ź im i z upartaj pracaj ščotkaj sprava pajšła.
Babrujski rabin Šaul Chababa vyklikaŭ milicyju.
«Heta vielmi sumna, što znachodziacca ludzi, jakija tak siabie pavodziać, — skazaŭ rabin. — Heta miesca dla adpačynku dušy i cieła, ludzi adkryvajuć tut svaje sercy i molacca. I my molimsia z usimi za mir i dabro. Vialiki dziakuj tym, chto ačyściŭ naš pomnik!»
Reštki sinahohi XIX stahodździa ŭ Babrujsku na pierakryžavańni vulic Čanharskaj i Bacharava ciapier źjaŭlajucca muziejnaj placoŭkaj pad adkrytym niebam. Nazyvajecca jana «Habrejski dvoryk», była adkrytaja 4 žniŭnia 2019 hoda.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary