Były zorny hulec «Mančester Junajted» i «Reała» ciapier bavić bolšaść času ŭ svaim zaharadnym asabniaku ŭ rajonie Kotsuołd na paŭdniovym zachadzie Anhlii. Tam Biekchem moža całkam addavacca svajmu ekzatyčnamu chobi — pčalarstvu. Jon ustalavaŭ u svaim sadzie vulli, a zaraz i ŭvohule płanuje novy pčaliny biznes-prajekt.
Jak paviedamlajuć brytanskija miedyja, Devid Biekchem płanuje vyrablać miod.
Jon užo prydumaŭ try patencyjnyja nazvy dla budučaha brenda: D Bee, Seven Honeis i Goldenbees. Kampanija moža źjavicca ŭžo ŭ hetym hodzie, piša Marca.
Krynica, blizkaja da zorki, kaža, što Biekchem zacikaviŭsia pčołami ŭ pačatku pandemii, ale ciapier jaho chobi pierarasło ŭ apantanaść. Anhličanin ličyć pčalarstva sapraŭdnym supraćjadździem da svajho šumnaha žyćcia ŭ Łondanie.
Anhličanin užo maje minimum adnaho zornaha klijenta. Heta Tom Bredzi, znakamity hulec u amierykanski futboł z kamandy «Tampa-Bej Bakanirs». Niadaŭna Biekchem pakinuŭ u svaim instahramie fota z vullami, i Bredzi napisaŭ pad im kamientar «Pryviazi i mnie trochi».
Raniej Biekchem užo dzialiŭsia z karystalnikami Instahrama źviestkami pra svajo sałodkaje chobi. Jon publikavaŭ fota siabie ź dziećmi ŭ achoŭnych kaściumach z podpisam: «Ja kazaŭ dzieciam być uvažlivymi. Chutčej za ŭsio, tatavy žarty tak prosta nie skončacca».
Heta nie pieršy biznes u žyćci Biekchema. Raniej jon užo zajmaŭsia vyrabam viski, a ciapier źjaŭlajecca adnym z uładalnikaŭ amierykanskaha futbolnaha kłuba «Inter Majami».
Čytajcie taksama:
Ranałdu trapiŭ u skandał: zorny futbalist raźbiŭ telefon fanata z aŭtyzmam
Serca hetaha hulca spyniłasia na Čempijanacie Jeŭropy pa futbole. Voś što ź im ciapier
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»22
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary