Duraŭ: Niekatoryja sumniavalisia, ci nie źjaŭlajecca Telegram mienš biaśpiečnym dla ŭkraincaŭ. Dazvolcie raskazać, jak skončyłasia maja karjera ŭ Rasii
Stvaralnika Telegram Pavieł Duraŭ napisaŭ post pra svaje ŭkrainskija karani i toje, jak u 2013-m admoviŭsia vydavać pryvatnyja źviestki ŭkrainskich karystalnikaŭ, jakija pratestavali suprać prarasijskaha prezidenta.
Pryvodzim jaho dopis:
«Kali vy sočycie za maimi pastami, to viedajecie, što pa maminaj linii ja viadu svoj radavod z Kijeva. Jaje dziavočaje proźvišča Ivanienka —ukrainskaje, i pa hety dzień u nas šmat svajakoŭ, jakija žyvuć va Ukrainie. Tamu hety trahičny kanflikt maje asabistaje značeńnie jak dla mianie, tak i dla Telegram.
Niekatoryja ludzi sumniavalisia, a ci nie źjaŭlajecca Telegram mienš biaśpiečnym dla ŭkraincaŭ, tamu što ja kaliści žyŭ u Rasii. Dazvolcie mnie raskazać hetym ludziam, jak skončyłasia maja karjera ŭ Rasii.
Dzieviać hadoŭ tamu ja byŭ hienieralnym dyrektaram «VKontaktie», najbujniejšaj sacyjalnaj sietcy ŭ Rasii i Ukrainie. U 2013 hodzie FSB zapatrabavała ad mianie dać im pryvatnyja źviestki ŭkrainskich karystalnikaŭ, jakija pratestavali suprać prarasijskaha prezidenta.
Ja admoviŭsia vykonvać hetyja patrabavańni, tamu što heta aznačała b zdradzić ukrainskim karystalnikam. Paśla hetaha mianie zvolnili z kampanii, jakuju ja zasnavaŭ, i ja byŭ vymušany źjechać z Rasii.
Ja straciŭ svaju kampaniju i svoj dom, ale ja b zrabiŭ heta znoŭ — biez vahańniaŭ. Ja uśmichajusia ad honaru, kali čytaju svoj post «VKontaktie» ad krasavika 2014 hoda, dzie pakazany adskanavanyja zahady FSB i moj firmovy adkaz na ich — sabaka ŭ kapiušonie.
Kali ja admaŭlaŭsia ad hetych patrabavańniaŭ, staŭki byli vysokija asabista dla mianie. Ja ŭsio jašče žyŭ u Rasii; i maja kamanda, i maja staraja kampanija taksama byli ŭ hetaj krainie.
Z tych časoŭ prajšło šmat hadoŭ. Šmat što źmianiłasia: ja bolš nie žyvu ŭ Rasii, u mianie bolš niama tam ni kampanij, ni supracoŭnikaŭ. Ale adno zastajecca niaźmiennym: ja adstojvaju intaresy našych karystalnikaŭ, niahledziačy ni na što. Ich prava na pryvatnaje žyćcio śviaščenna. Ciapier — bolš, čym kali-niebudź».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary