Biełaruś choča ŭziać u Rasii $3,5 miljarda. Navošta? Heta vyratuje ekanomiku?
Na naradzie ŭ Łukašenki vice-premjer Snapkoŭ zajaviŭ, što prapracoŭvajecca mahčymaść uziać kredyt u Rasii pamieram u 3,5 miljarda dalaraŭ. Jak adznačyŭ sam Snapkoŭ, hetyja hrošy dazvolać «kampiensavać jeŭropiejskija hrošy pa refinansavańni doŭhu, jakija vypadajuć».
«Asnoŭnaja patreba na siońnia ŭ źniešnim finansavańni, heta jakraz absłuhoŭvańnie daŭhoŭ, jakija ŭžo jość. To-bok my pazyčajem hrošy, kab refinansavać staryja daŭhi, — tłumačyć «Našaj Nivie» Kaciaryna Barnukova, akademičny dyrektar Centra ekanamičnych daśledavańniaŭ BEROC. — Nam u nastupnymi hodzie jakraz prykładna takuju sumu i treba spłacić.
Nakolki vostra hetyja hrošy buduć patrebnyja, zaležyć ad mnohich faktaraŭ, u pryvatnaści ad taho, jak budzie raźvivacca popyt na źniešnich rynkach. Sioleta my bolšuju častku vypłat zdoleli spłacić svaimi siłami. A zapazyčańni, jakija my zrabili, dapamahli nie prosta padtrymać, a pavialičyć zołatavalutnyja reziervy, u tym liku i za košt taho, što «ekspartny cud» zabiaśpiečvŭ prytok valuty.
Što budzie ŭ nastupnym hodzie, pakul nieviadoma, zaležyć ad taho, jak budzie raźvivacca ekspart, jakim budzie efiekt ad sankcyj. Tamu lepš mieć hety kredyt, jaki dakładna harantuje, što Biełaruś zmoža absłuhoŭvać źniešni doŭh.
Tym bolš, što sam Snapkoŭ adznačaje, što finansavyja abmiežavańni, jakija ŭviali ZŠA, mohuć zrabić šmat zapłanavanych rečaŭ niemahčymymi (naprykład, vypusk bondaŭ na rasijskim rynku).
Tamu treba šukać takija kredyty. Hetyja hrošy biarucca ŭsio ž na refinansavańnie doŭha, jany, chutčej za ŭsio, nie buduć układzienyja ŭ raźvićcio ekanomiki».
Čytajcie taksama:
Vice-premjer Snapkoŭ: Prapracoŭvajecca stabilizacyjnaja prahrama z vydzialeńniem Rasijaj kredytu pamieram $3,5 młrd
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary