Donald Tusk pra mihrantaŭ na miažy: «Mahčyma, čas pačać realizacyju 4-ha artykuła NATO»
Były prezident Jeŭrapiejskaj rady i kolišni polski premjer Donald Tusk zaklikaŭ urad krainy raspracavać płan pa praduchileńni mihranckaha kryzisu na miažy ź Biełaruśsiu, piša Radyjo Svaboda.
Vystupajučy na pres-kanfierencyi ŭ Varšavie, lidar hałoŭnaj apazicyjnaj partyi Polščy «Hramadzianskaja płatforma» zajaviŭ, što jon vielmi zaniepakojeny tym, što adbyvajecca i «što, chutčej za ŭsio, budzie adbyvacca ŭ najbližejšyja hadziny na našaj uschodniaj miažy».
«Prablema ŭ tym, što nichto z nas nie viedaje, što polski ŭrad źbirajecca rabić. Bieručy pad uvahu fakt, što ŭ cisku na miažy i ŭ arhanizacyi hrupaŭ mihrantaŭ zamiašanyja biełaruskija słužby, hetaja pahroza bolš surjoznaja, čym prosta nielehalnaja mihracyja», — skazaŭ Tusk.
«Mahčyma, užo treba padumać, ci nie pryjšoŭ čas pačać realizacyju 4 artykuła NATO. Kali našaja miaža budzie pad pahrozaj fizičnaha cisku pry ŭdziele biełarusaŭ, ja maju na ŭvazie biełaruskija słužby, to, pavodle mianie, heta nahoda, kab pačać kansultacyi ŭ miežach paŭnočna-atłantyčnaha aljansu. Bo heta ŭžo datyčyć biaśpieki ŭsioj uschodniaj miažy ES i NATO, takich krain jak Polšča i Litva», — skazaŭ Tusk.
Što takoje čaćviorty artykuł NATO
Zhadany Tuskam artykuł praduhledžvaje praviadzieńnie nadzvyčajnych kansultacyj u NATO, kali adna z krain aljansu ličyć, što jaje niezaležnaść, terytaryjalnaja cełasnaść abo biaśpieka apynulisia pad pahrozaj. Artykuł hučyć tak:
«Baki buduć kansultavacca razam, kali — na dumku luboha ź ich — terytaryjalnaja cełasnaść, palityčnaja niezaležnaść abo biaśpieka luboha z bakoŭ znachodziacca pad pahrozaj».
Nastupny artykuł Statutu NATO, piaty, prapisvaje dziejańni krain supolnaści ŭ vypadku napadu na adnu abo niekalki krain aljansu. Hety artykuł abaviazvaje razhladać taki napad jak ataku na aljans u cełym. Jon užyvaŭsia tolki adnojčy ŭ historyi — paśla teraktaŭ u ZŠA 11 vieraśnia 2001 hoda.
Bolš za 1000 mihrantaŭ znachodziacca na biełaruska-polskaj miažy. Što adbyvajecca?
Ciapier čytajuć
Łukašenka: Što tvorycca ŭ krainie, u nas usie hetuju huś kruciać30
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary