Homielskaha vałanciora, jaki adpraviŭ palitviaźniam 2500 listoŭ, praviarajuć na finansavańnie ekstremizmu
Homielskamu vałancioru Illu Mironavu mohuć inkryminavać finansavańnie ekstremisckaj dziejnaści. Jon ciapier znachodzicca ŭ izalatary. Mironava zatrymali 30 vieraśnia za kamientary pra zahinułaha supracoŭnika KDB. Vałancior viadomy tym, što napisaŭ bolš za 2500 listoŭ źniavolenym.
Palitviaźniu Illu Mironavu, jaki znachodzicca ŭ homielskim SIZA № 3, mohuć inkryminavać častku 1-ju artykuła 361-2 Kryminalnaha kodeksa (finansavańnie ekstremisckaj dziejnaści). Heta vynikaje z adkazu z RAUS Savieckaha rajona Homiela, jaki pryjšoŭ aktyvistu na chatni adras.
Maci Illi padkreślivaje, što nijakaj inšaj aficyjnaj infarmacyi pra sapraŭdnyja pryčyny źniavoleńnia jaje syna jana dahetul nie atrymała ani ad pravaachoŭnych orhanaŭ, ani ad advakataŭ:
— Što jamu inkryminujuć, mnie nichto nie paviedamiŭ. Advakat navat nie maje prava numar artykuła nazvać. Ale jašče da aryštu Illa va UUS napisaŭ list i prasiŭ skazać, što ź jaho majomaściu, jakuju ŭ lipieni ŭ jaho kanfiskavali padčas pieratrusu. Pryjšoŭ adkaz na hety list. A tam vyrazna napisana — častka 1-ja artykuła 361-2.
Za nadpis na majcy «Pišycie listy» zatrymany hamialčuk Illa Mironaŭ. Jon dasłaŭ palitviaźniam dźvie tysiačy listoŭ
«Płakaŭ, kali sudzili piensijanieraŭ i śviatara». Hutarka z hamielčukom, jaki napisaŭ palitźniavolenym 1200 listoŭ i naviedaŭ kala sotni sudoŭ
Mužčyna z Homiela napisaŭ 1100 listoŭ palitviaźniam — i nie źbirajecca spyniacca
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary