Stała viadoma, jakija źmieny čakajuć PVT paśla abureńnia Łukašenki
IT-koły hadajuć, jak traktavać i čaho čakać ad čarhovaha abureńnia Parkam vysokich technałohij, jakoje Alaksandr Łukašenka vykazaŭ 11 červienia.
«My mnohija pracesy tam upuścili. I što atrymali: samyja, zdavałasia b, prasunutyja, samyja bahacieńkija i zabiaśpiečanyja — dzie jany apynulisia?», — skazaŭ jon.
IT-biznesoŭcy interpretavali hetyja słovy jak mahčymuju admienu lhot. Ale, jak stała viadoma «Našaj Nivie», reakcyja sistemy, najchutčej, budzie inšaj.
Sens reformaŭ moža być u tym, što ŭ statut PVT uniasuć dapaŭnieńnie pra toje, što kampanija zmoža być vyklučanaja z PVT u vypadku, kali jaje rabotniki zamiašanyja ŭ «ekstremisckaj dziejnaści».
Što takoje «ekstremisckaja dziejnaść», rasšyfravana nie budzie. A dla razhladu takich pytańniaŭ u dyrekcyju parka buduć uviedzienyja śpiecyjalnyja rabotniki ŭ adnolkavych tuflach, jakija i buduć raźbirać sprečnyja kiejsy.
Los samoha Usievałada Jančeŭskaha niezrazumieły, bo jon maje jak mnohich niadobrazyčliŭcaŭ, tak i mnohich pakravicielaŭ, siarod jakich i novy staršynia Nacyjanalnaha Alimpijskaha kamiteta Viktar Łukašenka.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha107
Kamientary