Chto taki Kryścijan Eryksen, jaki straciŭ prytomnaść na Jeŭra?

Mabyć, z času bratoŭ Łaŭdrupaŭ Danija nie mieła nastolki talenavitaha futbalista, ź imiem jakoha źviazvali spadziavańni na dobry vystup na Jeŭra.

Kryścijanu 29 hadoŭ (naradziŭsia na Dzień śviatoha Valancina). Pachodzić futbalist ź miastečka Midelfart, jaho nasielnictva ŭsiaho 15 tysiač čałaviek, jak u našym Ščučynie.

Pavialičyć

Zatoje futbołam u vakolicach Midelfarta zajmajecca adrazu 600 padletkaŭ! Kažuć, pieršaje, što kidajecca tut u vočy — heta vializnaja kolkaść futbolnych placovak. Takoha ŭ Biełarusi niama nidzie.

Baćka Kryścijana Tomas taksama hulaŭ u futboł, vychodziŭ na fłanzie paŭabarony, zabivaŭ šmat hałoŭ, ale prafiesijnaja karjera tak i nie skłałasia. Ciapier Tomas handluje zapčastkami dla aŭtamabilaŭ, a taksama treniruje dziaciej. Syn zaŭsiody prychodziŭ na matčy baćki — heta i była jahonaja pieršaja škoła hulni. Hledziačy na brata, u futboł pajšła i siastra Kryścijana Łuiza. Taksama hulaje za zbornuju Danii.

Pavialičyć

Lubimaj kamandaj u dziacinstvie była «Roma», a lubimym hulcom — Frančeska Toci.

Eryksen-małodšy adznačaŭsia svajoj techničnaściu, ale pry hetym zastavaŭsia kamandnym hulcom. U 12-hadovym uzroście jahonaja kamanda ź Midelfarta stała piataj u Danii, a praz hod jaho zabiraje da siabie futbolnaja škoła «Odense» — adnaho z najmacniejšych kłubaŭ krainy.

Adtul jon pryciahnuŭ uvahu hrandaŭ suśvietnaha futboła — «Čełsi», «Barsiełona», «MIU», «Miłan» cikavilisia datčaninam. Zrešty, jon pierachodzić u mienš bahaty niderłandski «Ajaks». «Ja vyrašyŭ, što moj pieršy krok pavinien być nie nadta vialikim», — kazaŭ Eryksen. Dva hady spatrebiłasia, kab ź junackaj kamandy prabicca ŭ asnoŭnuju.

Pavialičyć

Heta byŭ 2010 hod. U tym samym hodzie Kryścijana biaruć sa zbornaj Danii na čempijanat śvietu ŭ Paŭdniova-Afrykanskuju Respubliku. Tam 18-hadovy datčanin stanovicca samym maładym futbalistam mundyjala. Užo ŭ 2011 hodzie Kryścijana nazyvajuć najlepšym futbalistam Danii, a taksama talentam hoda ŭ Niderłandach. U składzie «Ajaksa» datčanin stanaviŭsia trojčy čempijonam krainy.

Potym Eryksen idzie na pavyšeńnie. Jon pierachodzić u anhlijskuju Premjer-Lihu, zaklučaje kantrakt z łondanskim «Totenchemam». Baćka Kryścijana Tomas pa siońnia ciarpieć nie moža «Čełsi», bo hetaja kamanda nazvała jahonaha syna «zanadta słabym» dla kamandy.

Za siem siezonaŭ u Anhlii Kryścijan pravioŭ za «špor» bolš za 200 hulniaŭ, u jakich zabiŭ 51 hoł. Dachodziŭ da finału Lihi čempijonaŭ, ale tytuł nie zavajavali. Nastolki talenavitaha hulca hetaje pakaleńnie datčan nie mieli bolš. Tolki ŭ 2020 Eryksen źmianiŭ kamandu, pierabraŭsia ŭ «Inter». U pieršy ž hod «Inter» zmoh pierarvać hiehiemoniju ŭ Italii «Juvientusa», staŭšy čempijonam.

Mabyć, ścipłaść u kryvi skandynavaŭ. Eryksen tut nie vyklučeńnie. Jon ličyć, što futbalisty atrymlivajuć niespraviadliva šmat i pryznajecca, što nijak nie moža zvyknucca da takich šalonych hrošaj.

Pavialičyć

Heta vielmi spakojny, vietlivy čałaviek, jakomu nie ŭłaścivaja zornaja chvaroba. U asabistym žyćci Eryksena niama skandałaŭ.

Šmat hadoŭ jon žyvie razam z Sabrynaj Kvist Jonsan, jany paznajomilisia jašče ŭ Danii, pačali sustrakacca, kali Kryścijan hulaŭ za «Ajaks». Jonsan raniej pracavała cyrulnicaj i pradavała adzieńnie. Cikava, što para niežanataja, pry hetym u ich dvoje dziaciej. Eryksen nie afišuje svajo asabistaje žyćcio, navat imiony dziaciej doŭhi čas zastajucca pad sakretam.

Za zbornuju Danii ŭ Eryksena ŭžo 107 hulniaŭ, u jakich jon zabiŭ 36 hałoŭ. Biez svajho lidara datčanam budzie vielmi ciažka na hetym Jeŭra.

• 0
• 0
• 0
• 0
• 0
• 0
• 0
• 0