Padčas I Nacyjanalnaha forumu atletaŭ adbylisia vybary novaha składu kamisii spartsmienaŭ NAK Biełarusi.
U kamisiju ŭvajšli alimpijski čempijon pa viesłavańni na kanoe Alaksandr Bahdanovič, pryzior ČS i Jeŭropy pa mastackaj himnastycy Kaciaryna Hałkina, pamočnik hałoŭnaha treniera CHK «Dynama-Minsk» Michaił Hraboŭski, dvuchrazovaja alimpijskaja čempijonka Kaciaryna Karsten, tenisist, alimpijski čempijon Maksim Mirny, alimpijskaja čempijonka pa frystajle Ała Cupier.
Z 20 pretendentaŭ nieabchodna było na forumie vybrać šeść, a jašče čatyry buduć nazvanyja pa vynikach Vykankama NAK, paśla čaho novy skład kamisii prahałasuje za kandydaturu staršyni.
Asnoŭnymi zadačami kamisii źjaŭlajucca ŭniasieńnie prapanoŭ pa vyznačeńni pryjarytetnych napramkaŭ statutnaj dziejnaści NAK Biełarusi ŭ halinie ŭsialakaj padtrymki biełaruskich spartsmienaŭ, u tym liku ich sacyjalnaha zabieśpiačeńnia i mier pa ich realizacyi.
«Kamisija sadziejničaje zabieśpiačeńniu padtrymki biełaruskich spartsmienaŭ, jakija zaviaršyli svaju karjeru ŭ sporcie vyšejšych dasiahnieńniaŭ, pryciahvaje atletaŭ u roznyja arhanizacyi, sadziejničaje ich pracaŭładkavańniu», — paviedamlaje pres-słužba NAK.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary