Hierasimienia: Dumaju, našy spartsmieny pajeduć na Alimpijadu pad niejtralnym ściaham
Kiraŭnik Fondu spartyŭnaj salidarnaści Alaksandra Hierasimienia padčas strymu ŭ Instagram acaniła pierśpiektyvy biełaruskich spartoŭcaŭ adpravicca na Alimpijadu pad dziaržaŭnym ściaham.
«I dziejańni NAK Biełarusi, i abvinavačvańni nas va ŭsich hrachach syhrajuć vialikuju rolu. Mahčyma navat vyklučeńnie Nacyjanalnaha alimpijskaha kamiteta z členaŭ MAK. Dumaju, našy spartsmieny pajeduć na Alimpijadu pad niejtralnym ściaham. I heta ŭžo nie naša zasłuha. Dumaju, jany sami sabie sankcyj dadatkova atrymali», — skazała spartsmienka.
Hierasimienia napisała adkryty list Łukašenku: Narod vas nienavidzić
Nahadajem, śledčym kamitetam raspačata kryminalnaja sprava ŭ dačynieńni da Alaksandry Hierasimieni.
Pavodle śledstva, Hierasimienia i Apiejkin raspaŭsiudžvali «zaviedama łžyvyja źviestki ab chodzie i vynikach vybarčaj kampanii, pra padziei ŭ sacyjalnaj, ekanamičnaj, palityčnaj i kulturnaj śfierach žyćcia hramadstva». Nibyta jany «źviartalisia z zaklikami da zamiežnych dziaržaŭ i mižnarodnych arhanizacyj ab ździajśnieńni dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś».
Śledstva śćviardžaje, što ŭ vyniku dziejańniaŭ Hierasimieni i Apiejkina «naniesieny značny imidžavy i finansavy ŭron, padarvany prestyž krainy na mižnarodnaj i palityčnaj arenie, dyskredytavana kiraŭnictva spartyŭnaj haliny i dziaržavy».
Dziejańni členaŭ BFSS śledčymi kvalifikavanyja pa č. 3 art. 361 (zakliki da ździajśnieńnia dziejańniaŭ, nakiravanych na pryčynieńnie škody nacyjanalnaj biaśpiecy Biełarusi, učynienyja z vykarystańniem srodkaŭ masavaj infarmacyi, hłabalnaj kampjutarnaj sietki internet) KK. Sankcyja artykuła praduhledžvaje maksimalnaje pakarańnie ŭ vyhladzie pazbaŭleńnia voli da 5 hadoŭ.
Alimpijskaj pryziorcy Alaksandry Hierasimienia praz palityčnuju situacyju daviałosia źjechać ź Biełarusi. Da adjezdu dla jaje škoły płavańnia nie padoŭžyli damovu arendy z tych ža pryčyn. Ciapier Alaksandra žyvie ŭ Vilni, uznačalvaje Biełaruski fond spartovaj salidarnaści.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary