Kiraŭnik IIHF Faziel zachvareŭ na karanavirus i nie palacieŭ na sustreču z Łukašenkam
Prezident i hienieralny sakratar Mižnarodnaj fiederacyi chakieja z šajbaj (IIHF) Rene Faziel i Chorst Lichtnier zdali stanoŭčyja testy na karanavirus, paviedamlaje pres-słužba IIHF.
Faziel rastłumačyŭ, što raniej IIHF inicyjavała sustreču z kiraŭnikom krainy i Nacyjanalnaha alimpijskaha kamiteta Alaksandram Łukašenkam.
Na sustrečy, jakaja pavinna była adbycca ŭ aŭtorak, płanavałasia «abmierkavać šmatlikija pytańni, źviazanyja z čempijanatam śvietu pa chakiei 2021 hoda, jaki zapłanavali pravieści ŭ Minsku i Ryzie», a taksama «abvinavačvańni ŭ adras kiraŭnika Fiederacyi chakieja Dźmitryja Baskava, biahučuju situacyju z COVID-19 u krainie i dziejańni dla biaśpiečnaha praviadzieńnia turniru ŭ supracoŭnictvie z Łatvijaj».
«Adnak padčas testu na COVID-19, praviedzienaha pierad vyletam, i hienieralny sakratar Lichtnier, i ja byli prainfarmavanyja, što ŭ nas abodvuch stanoŭčy vynik na COVID-19», — skazaŭ Faziel.
«Ofis IIHF pracuje dystancyjna, i my nie čakajem, što siarod supracoŭnikaŭ ofisa źjaviacca novyja vypadki. My z hienieralnym sakratarom Lichtnieram na praciahu nastupnych dziesiaci dzion znachodzimsia ŭ izalacyi doma. Sustreča z kiraŭnikom Biełarusi adkładzienaja da dalejšaha paviedamleńnia. Virtualnaja sustreča z nacyjanalnymi asacyjacyjami-členami IIHF, zapłanavanaja na hetuju piatnicu, taksama budzie adkładzienaja», — dadaŭ jon.
Raniej MAK nakłaŭ na Łukašenku i NAK Biełarusi sankcyi, časova adchiliŭšy čalcoŭ alimpijskaha kamiteta Biełarusi ad udziełu ŭ Alimpijadach.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy3
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary