24 listapada na 68-m hodździe pajšła z žyćcia Maryja Ryhoraŭna Alijeva. Pra heta ŭ fejsbuku napisaŭ staršynia BSDP (Hramada) Ihar Barysaŭ.
Jon napisaŭ, što Maryi Alijevaj stała błaha padčas telefonnaj razmovy i jana zhubiła prytomnaść.
«Daktary paŭhadziny zmahalisia za jaje žyćcio i spravabavali jaje reanimavać, adnak asłableny arhanizm nie spraviŭsia…
Letaś jana pieraniesła insult, adnak nie mahła być abyjakavaj da taho, što adbyvajecca ŭ krainie. Maryja Ryhoraŭna kazała, što nie moža prosta siadzieć, bo znachodziačysia ŭ pastajannym ruchu jana žyvie. Jana ličyła, što svajoj aktyŭnaściu jana nabližaje dzień našaj pieramohi…
Dla staroj partyjnaj hvardyi Maryja Ryhoraŭna była pavažanym čałaviekam. Partyjnaja aktyvistka, prafsajuzny lidar… Dla novaj chvali jana stała adnym ź simvałam pratesnaj Sierabranki. Jaje šmat chto viedaŭ i prysłuchoŭvaŭsia da jaje słovaŭ, jana ŭmieła matyvavać ludziej…
Jaje kvatera stała faktyčnym štabam mikrarajona. Da jaje asabista prychadzili milicyjanty, kab damaŭlacca, bo viedali, kaho budzie słuchać narod i za kim jon pojdzie.
Maryja Ryhoraŭna nie prapuskała i maršy piensijanieraŭ… Tolki joj na viasiołaje vitańnie AMAPu «Chłopčyki, Žyvie Biełaruś!» jany, ścisnuŭšy zuby, adkazvali: «Žyvie!»
Jarkaja, inicyjatyŭnaja, biasstrašnaja i pramaliniejnaja — jana była prykładam žanočaha lidarstva i aktyvizmu.
Da apošniaha ŭzdycha jana była razam z partyjcami, i apošni, chto čuŭ jaje hołas, byŭ partyjec. Jaje mocna ŭschvalavaŭ i raźjušyŭ fakt atrymańnia pratakoła, jaki byŭ składzieny na jaje dačku za ŭdzieł u mitynhu 25 kastryčnika. Jaje vinavacili pa viadomym art. 23.34 za ŭdzieł u niesankcyjavanym mitynhu… Z hetym pieražyvańniem jana nie spraviłasia…
Raźvitańnie z Maryjaj Alijevaj adbudziecca ŭ čaćvier 26 listapada 2020 h. z 10:00 da 11:00 u Domie smutku pa vuł. h. Minsk, vuł. Kulašova, 12.
Ninu Bahinskuju vyzvalili biez pakarańnia, kryminalnuju spravu zakryli2
Kamientary