Kandydat na pasadu amierykanskaha pasła ŭ Biełarusi Džuli Fišer paśla mahčymaha ŭchvaleńnia Sienatam Kanhresa ZŠA prystupić da svaich abaviazkaŭ u samyja karotkija terminy. Takoje mierkavańnie vykazaŭ u sieradu namieśnik pamočnika dziaržsakratara ZŠA pa spravach Jeŭropy i Jeŭrazii Džordž Kient.
Jon nahadaŭ, što prezident ZŠA Donald Tramp vysunuŭ kandydaturu Fišer, i ciapier «usio ŭ rukach Sienata», jaki pavinien dać svajo adabreńnie. Da ciapierašniaha momantu prajšli słuchańni ŭ Kamitecie pa zamiežnych spravach Sienata Kanhresa ZŠA, pryśviečanyja razhladu jaje kandydatury. Hety profilny kamitet pavinien pravieści hałasavańnie, paśla jakoha vierchniaja pałata zakanadaŭčaha orhana ŭžo ŭ poŭnym składzie pavinna dać svajo adabreńnie.
«My ź nieciarpieńniem čakajem hałasavańnia pa zaćviardžeńni kandydatury majoj kalehi Džuli Fišer, a ŭ vypadku adabreńnia — jaje bolš chutkaj pajezdki ŭ Minsk dla vykanańnia abaviazkaŭ [ambasadara ZŠA]», — skazaŭ Kient.
Jaho paprasili prakamientavać krytyku z boku sienataraŭ, jakija ličać, što ŭ dadzieny momant nielha adpraŭlać ambasadara ŭ Minsk. «My dakładna bačym nieabchodnaść u najaŭnaści ciapier pasła [ZŠA ŭ Minsku]. <…> Padziei apošniaha miesiaca padkreślivajuć, što nam važna mieć hołas i pracavać z hetaj krainaj», — ličyć dypłamat. Jon dadaŭ, što Dziarždep praciahvaje vieści kantakty ź biełaruskimi kalehami. Jak padkreśliŭ Kient, vašynhtonskaja administracyja «maje namier źniać aściarohi» sienataraŭ u suviazi z adpraŭkaj ambasadara ŭ Biełaruś.
Paśla dypłamatyčnaha skandału ŭ 2008 hodzie Minsk i Vašynhton na ŭzajemnaj asnovie adklikali pasłoŭ i da minimumu skaracili kolkasny skład dypłamatyčnych pradstaŭnictvaŭ. Adnosiny pamiž ZŠA i Biełaruśsiu paciapleli paśla prezidenckich vybaraŭ 2015 hoda. U 2019 hodzie baki zajavili ab mahčymaści viartańnia pasłoŭ. U pačatku maja biahučaha hoda Tramp vysunuŭ kandydaturu Fišer na pasadu ambasadara ŭ Minsku. 20 lipienia Łukašenka pryznačyŭ pasłom u ZŠA namieśnika ministra zamiežnych spraŭ Aleha Kraŭčanku.
-
«Ciapier my jadzim usiaho raz na dzień». Čamu siryjcy stanoviacca ŭsio biadniejšymi paśla padzieńnia režymu Bašara Asada
-
FBR abvinavaciła Paŭnočnuju Kareju ŭ kradziažy bolš jak 6 miljardaŭ dalaraŭ z Binance
-
Baćki z Kremnijevaj daliny płaciać pa $60 tysiač za škoły biez hadžetaŭ. Čamu jany nie chočuć dla svaich dziaciej technałohij, jakija sami stvarajuć?
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary