Zatrymany palittechnołah Šklaraŭ zajaŭlaje, što nikoha nie mabilizoŭvaŭ i nie kaardynavaŭ
Zatrymany 29 lipienia ŭ Homieli palittechnołah Vital Šklaraŭ upeŭnieny, što jaho zatrymali i pieraśledujuć pa palityčnych matyvach, paviedamiŭ Tut.by advakat Anton Hašynski, jaki naviedaŭ siońnia svajho padabaronnaha.
— Vital vyhladaje pryhniečanym, jon upeŭnieny, što jaho zatrymali niezakonna, i toje, u čym jaho abvinavacili, nie paddajecca nijakaj krytycy. Jon ličyć siabie paciarpiełym za tyja artykuły, jakija jon pisaŭ — heta vidavočna palityčny pieraśled. Faktyčna heta pieršy palittechnołah, jakoha pieraśledujuć za jaho kamientary, — zajaviŭ advakat.
Hašynski taksama raspavioŭ, što Šklarava ŭžo niekalki razoŭ pierakidvali z kamiery ŭ kamieru i jon byŭ tam z asobami, jakija ŭžo asudžany za złačynstvy.
Palittechnołah zajaŭlaje, što ź Siarhiejem Cichanoŭskim jon nijak nie ŭzajemadziejničaŭ, nikoha nie «mabilizavaŭ» i ničoha nie «kaardynavaŭ», bolš za toje, jaho ŭ momant tych padziej nie było ŭ Biełarusi.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale8
Kamientary