Kanapackaja: Śviatłana Cichanoŭskaja abmiežavana dziejazdolnaja
Kandydat u prezidenty Hanna Kanapackaja adreahavała na adno z apošnich intervju abjadnanaha štaba Cichanoŭskaj partała Tut.by.
Kanapackaja napisała zvarot Vieranicy Capkała, u jakim jana adznačyła, što nijakich pieramoŭ ab źniaćci svajoj kandydatury vieści nie budzie.
Kanapackaj nie spadabałasia zajava abjadnanaha štaba adnosna «najaŭnaści ŭ astatnich kandydataŭ nievialikaha rejtynhu». Kanapackaja ličyć, što hetaja zajava łžyvaja, i jana budzie mieć pravavyja nastupstvy.
Dadzienyja dziejańni Kanapackaja rasceńvaje jak cisk na jaje i prystrašyła adkazać na ich «u adpaviednaści ź dziejučym zakanadaŭstvam».
Kanapackaja adpraviła zvarot na imia Vieraniki Capkała. Voś jak jana heta arhumientavała.
«Razumieju, što ŭ isnujučych umovach abmiežavanaj dziejazdolnaści […] Cichanoŭskaj vy sa spadaryniaj Maryjaj Kaleśnikavaj vymušanyja byli ŭskłaści na siabie bolšuju častku funkcyj, praduhledžanych zakonam dla kandydata ŭ prezidenty Respubliki Biełaruś…» — havorycca ŭ zvarocie Kanapackaj.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam56
Kamientary