Siarhiej Čeračań taksama zarehistravany.
Andrej Dźmitryjeŭ zarehistravany kandydatam na vybary.
U zvarocie da CVK jon skazaŭ, što idzie na vybary, bo Biełarusi patrebny novy prezident. I što niama kandydata, u jakoha bolšaść.
Jon nahadaŭ, što ŭ 2015 hodzie Taćciana Karatkievič, jakaja bałatavałasia ŭ prezidenty, zajaviła, što «Łukašenka stamiŭsia, jamu para sychodzić».
- Łukašenka zastaŭsia, i my stracili piać hadoŭ. Zamiest raźvićcia i reformaŭ atrymali stahnacyju ź viečnaj pakazuchaj, vorahaŭ siarod svaich hramadzian, chamstva i biezadkaznuju palityku padčas karanavirusa. Tamu tak važnyja nam hetyja vybary. Kali Łukašenka jość kudy pajści na adpačynak, to krainie, nam niama kudy sychodzić. Nas pałochajuć dzievianostymi, ale siońnia biełarusy masava źjazdžajuć z krainy nie z-za minułaha, a z-za strachu pierad budučyniaj. Jašče piać hadoŭ, jak ciapier abiarnucca katastrofaj — pałamanymi losami ludziej. U nas sprabujuć vybić hlebu z-pad noh, va ŭsich tych, chto choča pieramienaŭ, nas nie žadajuć zaŭvažać i zaŭvažać naš vybar. Hetaja kampanija stała ŭžo niby supraćstajańniem, a nie vybarami. Pa kolkaści zatrymańniaŭ — siońnia bolš za 700 — ciskam na apanientaŭ, členaŭ ich kamand, błohieraŭ, palityki siadziać u turmach, abmiežavanyja miescy ahitacyi. Mnohija hladziać na heta i ŭžo chočuć machnuć rukoj, nie pajści hałasavać-hetaha ad nas i damahajecca ŭłada. Ale ja zaklikaju nie zdavacca, - zajaviŭ Dźmitryjeŭ.
Kandydat u prezidenty źviarnuŭsia da ŭładaŭ z prośbaj adpuścić palitviaźniaŭ i viarnuć ich siemjam. A da Lidzii Jarmošynaj — z prośbaj zabrać zajavu na Siarhieja Cichanoŭskaha, z-za jakoj na jaho zaviali čarhovuju kryminalnuju spravu.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary