Advakat Michaiła Jafremava zajaviŭ, što sabraŭ dokazy nievinavataści akciora
Advakat Michaiła Jafremava Elman Pašajeŭ paviedamiŭ, što sabraŭ dastatkova dokazaŭ nievinavataści svajho padabaronnaha, tamu pierakanaŭ jaho pakul pačakać z pryznańniem viny.
«Zadača advakata źbirać dokazy. Ja hetym zajmaŭsia, ja sabraŭ dastatkova dokazaŭ jaho nievinavataści, — skazaŭ jon u intervju telekanału «Rasija-24». — Tamu ja ź im razmaŭlaŭ, ja jaho pierakonvaŭ pačakać — vinu zaŭsiody pryznać paśpiejem», piša tass.ru.
Pavodle jaho słoŭ, ciapier sprava suda — acanić sabranyja dokazy. «Kali my zrazumiejem u sudzie, što našy dokazy nie abhruntavanyja i nie majuć jurydyčnaj acenki i siły, viadoma, my budziem pryznavać svaju vinu i budziem prynosić svaje prabačeńni», — dadaŭ Pašajeŭ.
Rasijski akcior Michaił Jafremaŭ ździejśniŭ śmiarotnaje DTZ, jamu pahražaje da 12 hadoŭ turmy
Uviečary 8 červienia na Smalenskaj płoščy Jafremaŭ na vialikaj chutkaści vyjechaŭ na sustrečnuju pałasu i łob u łob sutyknuŭsia z furhonam. Kiroŭca furhona, 57-hadovy Siarhiej Zacharaŭ, na nastupnuju ranicu pamior u balnicy. Artystu vystaŭlena abvinavačvańnie ŭ tym, što jon, kirujučy aŭtamabilem u stanie ałkaholnaha i narkatyčnaha apjanieńnia, ździejśniŭ DTZ, u vyniku jakoha zahinuŭ čałaviek. Jafremavu pahražaje ad 5 da 12 hadoŭ kałonii.
Akcior Michaił Jafremaŭ zapisaŭ VIDEA z vybačeńniami: Ja nie viedaju, jak dalej žyć
U kryvi akciora paśla DTZ, akramia vysokaj dozy ałkaholu, byli vyjaŭlenyja ślady narkatyčnych rečyvaŭ, u tym liku kakainu. Pa hetym fakcie była raspačataja sprava ab zbycie narkotykaŭ, pa jakoj artyst prachodzić śviedkam.
Palicyja RF: Pierad avaryjaj akcioru Michaiłu Jafremavu pradali narkotyki
-
Premjerka Litvy: My nie pojdziem na źmiakčeńnie sankcyj suprać Biełarusi, navat kali na nas buduć cisnuć
-
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
-
U Hruzii zatrymali hruzavik z ukrainskim hieksahienam. Jon nibyta byŭ pryznačany dla apieracyi «Pavucińnie-2»
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary