Brazilski fiederalny sudździa Renata Bareli pastanaviŭ, što aficyjnyja asoby dziaržavy, u tym liku prezident Žair Bałsanaru, abaviazany nasić masku ŭ hramadskich miescach. Parušalnikam, niahledziačy na pasadu, pahražaje štraf u pamiery 2 tys. brazilskich reałaŭ (kala 400 dalaraŭ), piša bbc.com.
Prezidenta Bałsanaru, jaki pradstaŭlaje krajnich pravych, krytykujuć za braviravańnie svaim skieptycyzmam u adnosinach da karanavirusa, ad jakoha ŭ Brazilii pamierła ŭžo bolš za 50 tysiač čałaviek. U pačatku pandemii jon zajaŭlaŭ, što Covid-19 — usiaho tolki lohkaja prastuda.
Sustrakajučysia z prychilnikami, jon nieadnarazova źjaŭlaŭsia na publicy biez maski. Na adnym ź mitynhaŭ jaho źniali ŭ toj momant, kali jon kašlaŭ, nie prykryvajučy rota, u inšym vypadku — čchaŭ u dałoń i tut ža vitaŭsia za ruku z žančynaj stałaha vieku.
Brazilija znachodzicca na druhim miescy ŭ śviecie pa kolkaści vyjaŭlenych vypadkaŭ zaražeńnia karanavirusam — zvyš miljona.
Niahledziačy na heta, prezident Bałsanaru ŭ paniadziełak znoŭ zapatrabavaŭ asłabić karancinnyja miery i adkryć kramy i pradpryjemstvy, zaklikaŭšy «nie pierabirać» i paŭtaryŭšy svoj viadomy tezis, što miery pa baraćbie z pandemijaj nie pavinny prynosić bolš škody, čym sama pandemija.
Nastojlivyja zakliki kiraŭnika dziaržavy stavić u asnovu ekanomiku pryviali jaho da sutyknieńnia z hubiernatarami šerahu brazilskich štataŭ, jakija svajoj uładaj uviali abmiežavalnyja miery, u tym liku abaviazkovaje našeńnie masak.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary