Paśla intervju Tut.by zvolnili hałoŭnaha doktara Viciebskaj balnicy chutkaj dapamohi
U Viciebsku 30 krasavika zvolnili z pasady hałoŭnaha doktara haradskoj kliničnaj balnicy chutkaj miedycynskaj dapamohi, deputata harsavieta Siarhieja Łazara. Pra heta Tut.by paviedamili supracoŭniki hetaj miedustanovy. Niekatoryja miedrabotniki ličać, što zvalnieńnie hałoŭnaha doktara źviazana z vychadam publikacyi na partale, u jakoj raspaviali pra pracu daktaroŭ i miedsiaścior u «brudnaj zonie» balnicy ŭ pieryjad epidemii karanavirusa. U Ministerstvie achovy zdaroŭja kažuć, što razryŭ pracoŭnych adnosin z hetym nie źviazany.
Siarhiej Łazar nie patłumačyŭ Tut.by, z čym źviazana jaho zvalnieńnie:
— Davajcie ja nie budu ničoha kamientavać.
Pres-sakratarka Ministerstva achovy zdaroŭja Julija Baradun patłumačyła:
— Pracoŭnyja adnosiny spynieny pa pahadnieńni bakoŭ, publikacyja na internet-resursie nie maje dačynieńnia da hetaj situacyi.
Siarhiej Łazar naradziŭsia ŭ 1965 hodzie ŭ Viciebsku. Skončyŭ miascovy mieduniviersitet pa śpiecyjalnaści «lačebnaja sprava». Z 1993 pa 2002 hady pracavaŭ otałarynhołaham palikliniki pradpryjemstva «Kieramika» i miedsłužby UUS abłvykankama. Zatym uznačalvaŭ haradskuju palikliniku № 5, byŭ namieśnikam hałoŭnaha doktara haradskoj centralnaj palikliniki.
U 2015 hodzie pryznačany hałoŭnym doktaram Viciebskaj balnicy chutkaj dapamohi.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary